Pushpa 2 item song shooting on Sreeleela: ఒక మంచి సినిమాను ప్రేక్షకులకు అందించాలని ప్రతి దర్శకుడు అనుకుంటాడు. దానికోసం ఎంతో కష్టపడతాడు. ఇక అదే పాన్ ఇండియా స్థాయిలో సినిమా అంటే.. వారు పడే శ్రమ గురించి ఎంత చెప్పినా తక్కువే అవుతుంది. సినిమా విడుదల దగ్గరపడుతున్న కొద్ది వాళ్లకు కంటి పై కునుకు ఉండదు. అలాంటి దర్శకుల్లో సుకుమార్ ఒకరు. సుకుమార్‌కు మిస్టర్ పర్‌ఫెక్ట్ అనే పేరు ఉంది. ఆయన తీసే సినిమాలకు ప్రత్యేక ఫ్యాన్ ఫాలోయింగ్ ఉంటుంది. ఆయన దర్శకత్వం వహించిన రంగస్థలం, పుష్ఫ ఎంతటి ఘన విజయాలు సాధించాయో ప్రత్యేకంగా చెప్పనక్కర్లేదు.
ప్రస్తుతం సుకుమార్ దర్శకత్వంలో పుష్ఫ ది రైజ్‌కు సీక్వెల్‌గా పుష్ప-2 ది రూల్ రూపొందుతోంది. ఈ చిత్రం కోసం ప్రపంచంలో సినీ అభిమానులు ఎంతగానో ఎదురుచూస్తున్నారు. డిసెంబర్ 5న ఈ చిత్రం ప్రేక్షకుల ముందుకు రానుంది. ఇక అనుకున్న తేదీకి ఈ సినిమాను విడుదల చేయడం కోసం ఎంతో శ్రమిస్తోంది చిత్రబృందం. ముఖ్యంగా దర్శకుడు సుకుమార్ గత నెల రోజుల నుంచి ఓ వైపు చిత్రీకరణ.. మరోవైపు పోస్ట్ ప్రొడక్షన్ పనులపై దృష్టి పెట్టాడు. దీంతో ఆయనకు సరైన నిద్ర కూడా ఉండడం లేదని.. రోజుకు అరగంట మాత్రమే నిద్ర పోతున్నాడని సమాచారం. పగలు చిత్రీకరణలో, నైట్ పోస్ట్ ప్రొడక్షన్ పనులతో బిజీగా ఉంటూ సినిమా కోసం శాయశక్తుల కృషి చేస్తున్నాడని టాక్.
పుష్ప-2 క్లైమాక్స్ ఫైట్ ఇప్పటివరకు ఊహించని విధంగా ఉండబోతున్నట్టు తెలుస్తోంది. అందరి ఊహలకు భిన్నంగా ఈ సినిమా ఉండబోతుందని.. సుకుమార్ అందరికీ ఒక పెద్ద సర్ప్రైజ్ ఇవ్వబోతున్నారని సమాచారం. నిజానికి ఈమధ్య కాలంలో సినిమాలకు క్లైమాక్స్ కీలకంగా మారుతోంది. అయితే పుష్ప 2 సినిమా విషయంలో కూడా క్లైమాక్స్‌కు స్పెషల్ కేర్ తీసుకోబోతున్నారన్న వార్త వినిపిస్తోంది. అంతేకాదు పుష్ప 3 కూడా ఉండే అవకాశం ఉందని ఇప్పటికే హింట్స్ వచ్చాయి.
ఈ నేపథ్యంలో ఈ సెకండ్ పార్ట్ క్లైమాక్స్‌ను ఓ రేంజ్‌లో షూట్ చేస్తున్నట్టుగా చెబుతున్నారు. మరోవైపు శ్రీలీలతో ఐటమ్ సాంగ్ చిత్రీకరణ జరుగుతున్నట్టు తెలుస్తోంది. పుష్ప సినిమాలో ఊ అంటావా మావా.. ఉఊ అంటావా సాంగ్ ఎంత పెద్ద హిట్ అయిందో ప్రత్యేకంగా చెప్పనక్కర్లేదు. ఇక పుష్ప 2 సిినమాలో అంతకు మించిన ఎనర్జీతో ఐటమ్ సాంగ్‌ను రెడీ చేస్తున్నట్టు సమాచారం. ఇక ఫహద్ ఫాజిల్ కేవలం రెండో భాగానికి మాత్రమే పరిమితం కాడని.. మూడో భాగంలో కూడా ఆయన పాత్ర ఉండేలాగా సుకుమార్ కథ సిద్ధం చేశారని చెబుతున్నారు. డిసెంబర్ 5వ తేదీన సినిమా ప్రేక్షకుల ముందుకు వచ్చేందుకు సిద్ధమవుతోంది. షూట్ కాస్త ఆలస్యమైనా చెప్పినా అనుకున్న డేట్‌కే సినిమాను రిలీజ్ చేసేందుకు చాలా పెద్ద ఎత్తున ప్లాన్స్ అయితే జరుగుతున్నాయి.