America: అమెరికాలో టోర్నడోల బీభత్సం.. సౌత్ టెక్సాస్‌లో ధ్వంసమైన వందకు పైగా ఇళ్లు

America: అమెరికాలో మరోసారి టోర్నడోలు బీభత్సం సృష్టించాయి.. సౌత్ టెక్సాస్ లో భయంకరమైన సుడిగాలులు వీచాయి. గంటకు 85 నుంచి 105 కిలో మీటర్ల వేగంతో సుడిగాలులు వీచాయి. వీటి ప్రభావం వల్ల దాదాపు వందకుపైగా ఇళ్లు, అనేక షాపింగ్ మాల్స్ ధ్వంసమయ్యాయి. కార్లు ఎగిరి పడ్డాయి. గాలి తీవ్రతకు చెట్లు నేలకూలాయి. అనేక ఇళ్లకు విద్యుత్‌ సరఫరా నిలిచిపోయింది. పెనుగాలుల వల్ల అక్కడక్కడ అగ్నిప్రమాదాలు కూడా చోటుచేసుకున్నాయి. రవాణా వ్యవస్థ స్థంభించిపోయింది.టోర్నడోల కారణంగా ఒక వ్యక్తి చనిపోయాడు.11 మందికి తీవ్రగాయాలయ్యాయి.