Fire Accident: హైదరాబాద్ అబిడ్స్ లో క్రాకర్స్ షాపులో భారీ అగ్ని ప్రమాదం

 Fire Accident: హైదరాబాద్ లోని అబిడ్స్ లో భారీ అగ్నిప్రమాదం జరిగింది మయూర్ క్రేకర్స్ దుకాణంలో ఈ అగ్నిప్రమాదం చోటుచేసుకుంది. ఒక్కసారి క్రాకర్స్ కాలుతూ చెల్లా చెదురుగా ఎగిరిపడ్డాయి. భారీ శబ్దం, మంటలు ఎగిసిపడటంతో పక్కనే ఉన్న హోటల్లో ప్రజలు బయటకు పరుగులు తీశారు.

హోల్ సేల్ దీపావళి టపాసుల షాపులో ఈ ప్రమాదం జరిగింది. క్రాకర్స్ కు మంటలు అంటుకోవడంతో అవి భారీ ఎత్తు పేలాయి. చుట్టుపక్కల అన్నివైపులకూ వెళ్లడంతో మంటలు భారీగా ఎగిసిపడ్డాయి. టపాసులు అంటుకుని ఆ పక్కన ఉన్న ఓ హోటల్ కు వ్యాపించాయి.

నాలుగు ఫైరింజన్ల సాయంతో మంటలను అదుపులోకి తీసుకువచ్చారు. అగ్నిప్రమాదం జరిగినప్పుడు ఆ హోటల్లో ఎవరూ లేకపోవడంతో ప్రాణనష్టం తప్పిందని పోలీసులు తెలిపారు. ఈ ప్రమాదంలో ఆరుగురికి గాయాలయ్యాయి. వారికి ఆసుపత్రిలో చికిత్స అందిస్తున్నారు. ఈ ప్రమాదం 10 వాహనాలు పూర్తిగా కాలిపోయాయి.