Chhattisgarh: ఘోర ప్రమాదం..చెరువులోకి దూసుకెళ్లిన కారు..8 మంది దుర్మరణం

Chhattisgarh: ఛత్తీస్ గఢ్ లోని బల్ రామ్ పుర్ లో ఘోరరోడ్డు ప్రమాదం జరిగింది. వేగంగా వస్తున్న కారు అదుపు చెరువులోకి దూసుకెళ్లింది. ఈ ఘటనలో ఎనిమిది మంది మరణించారు. బుధబాగిచా ప్రాంతం నుంచి సూరజ్ పురకు వెళ్తుండగా ఈ ప్రమాదం జరిగింది. స్థానికులు, పోలీసు సిబ్బంది సహాయంతో చెరువులో ఉన్న కారును బయటకు తీశారు.

వాహనంలోనే ఆరుగురు మరణించగా..తీవ్రంగా గాయపడ్డవారికి ఆసుపత్రికి తరలిస్తుండగా చికిత్స పొందుతూ ప్రాణాలు కోల్పోయినట్లు పోలీసులు తెలిపారు. మరణించినవారి వివరాలు తెలియాల్సి ఉంది. కాగా ఈ ఘటనపై పోలీసులు దర్యాప్తు చేపట్టారు.

ప్రాణాలు కోల్పోయిన వారిలో ఒక మహిళ, బాలిక సహా ఆరుగురు పురుషులు ఉన్నారు. శనివారం రాత్రి 8.30 గంటల ప్రాంతంలో ఈ ఘటన జరిగింది. బల్‌రాంపూర్ జిల్లాలోని లారిమా గ్రామానికి చెందిన ఓ వ్యక్తి ఎస్ యూవీ కారులో పొరుగున ఉన్న సూరజ్‌పూర్ జిల్లాకు వెళ్తుండగా ఈ ఘటన జరిగిందని పోలీసులు తెలిపారు. ఎస్‌యూవీ లాదువా మలుపు వద్దకు రాగానే అదుపు తప్పి చెరువులో పడిపోయిందని పోలీసు అధికారులు తెలిపారు.

సమాచారం అందుకున్న వెంటనే పోలీసు బృందం సంఘటనా స్థలానికి చేరుకుని సహాయక చర్యలు ప్రారంభించినట్లు అధికారులు తెలిపారు. వాహనంలో ఉన్న ఆరుగురు అక్కడికక్కడే మృతి చెందారని, గాయపడిన వాహనం డ్రైవర్‌ను పోలీసులు రక్షించారని ఆయన చెప్పారు. మృతుల్లో నలుగురు పురుషులు, ఒక మహిళ, ఒక బాలిక ఉన్నట్లు అధికారులు తెలిపారు. గాయపడిన వాహన డ్రైవర్‌ను ఆసుపత్రిలో చేర్చారు. జేసీబీ యంత్రం సాయంతో చెరువులో నుంచి వాహనాన్ని బయటకు తీశామన్నారు.