Anandayya: సీఎం జగన్‌కు ఆనందయ్య లేఖ

Anandayya: ఆయుర్వేద వైద్యుడు ఆనందయ్య సీఎం జగన్‌కు లేఖ రాశారు. ప్రభుత్వం, హైకోర్టు ద్వారా అనుమతి రావడంతో ఆనందయ్య మందు పంపిణీ నిన్నటి నుంచి ప్రారంభమైంది. అయితే ప్రస్తుతం సర్వేపల్లి నియోజకవర్గానికి మాత్రమే మందు ఇస్తుండగా.. మరింత విస్తరించేందుకు ఆనందయ్య బృందం ఏర్పాట్లు చేస్తోంది. అయితే తాము ఒక్కో జిల్లాకు 5 వేల మందు ప్యాకెట్లు పంపేందుకు సిద్ధంగా ఉన్నామని.. ప్రభుత్వం ద్వారా ఆ మందును పంపిణీ చేయాలని లేఖ ద్వారా సీఎంను కోరారు ఆనందయ్య. దాంతో పాటు మందు తయారీకి కావాల్సిన ముడి సరుకులకు సహకారం అందించాలన్నారు.