KVP Ramachandra Rao: పరిశీలనలో షర్మిల కాంగ్రెస్ పార్టీలో చేరే అంశం

KVP Ramachandra Rao: కాంగ్రెస్ పార్టీని బలోపేతం చేసేందుకు అన్నికోణాల్లో పార్టీశ్రేణులు పనిచేస్తున్నాయని కాంగ్రెస్ సీనియర్ నాయకులు కెవిపి రామచంద్రరావు తెలిపారు. సంస్థాగతంగా పార్టీని పునర్నిర్మాణం చేస్తున్నామన్నారు. దివంగత నేత వైఎస్ రాజశేఖర్ రెడ్డి కుమార్తె షర్మిల కాంగ్రెస్ పార్టీలో చేరే అంశం పరిశీలనలో ఉందన్నారు. పరిస్థితులు కలిసొస్తే.. కాంగ్రెస్ పార్టీలోకి రావడాన్ని స్వాగతిస్తున్నామన్నారు. పార్టీలో సీనియర్‌గా సలహాలు, సూచనలు చేస్తామన్నారు. బలోపేతం చేసే అంశంపై అధిష్టానవర్గ సూచనలతో ఒక్కో ఇటుక పేర్చుకున్నట్లు కాంగ్రెస్ పార్టీని నిర్మాణాత్మకంగా పటిష్టం చేస్తామన్నారు.