Hyderabad: వేలం పాటలో రూ.1.26 కోట్లు పలికిన గణేశ్‌ లడ్డూ

Hyderabad: వినాయక చవితి ఉత్సవాల్లో లడ్డూలది ప్రత్యేకం. నవరాత్రులు పూజలు అందుకున్న లడ్డూను దక్కించుకునే అనేక మంది పోటీ పడుతుంటారు. ఇప్పటి వరకు హైదరాబాద్‌లో లడ్డూ వేలంలో బాలాపూర్‌ లడ్డూదే అధిక రికార్డు కాగా... దాన్ని మించి మరోచోట లడ్డూ అధిక మొత్తం పలికింది. రాజేంద్ర నగర్‌ బండ్లగూడ జాగీర్‌లో గణపతి లడ్డూ కోటి 26లక్షలు పలికింది. కీర్తి రిచ్మండ్‌ విల్లాలో లడ్డూను ఆర్‌.వి.దియా చారిటబుల్ ట్రస్ట్ సభ్యులు కైవసం చేసుకున్నారు. గత ఏడాది ఇక్కడి లడ్డు 50లక్షల 80వేలు పలికింది. 2021లో కూడా ఇక్కడ గణపతి లడ్డూ 41 లక్షల రూపాయలు పలికిందని రిచ్మండ్ విల్ల సభ్యులు చెబుతున్నారు. అర్ వి దియా చారిటబుల్ కు చెందిన ఐదు కుటుంబాలు కలిసి ఈ లడ్డును కైవసం చేసుకున్నట్లుగా విల్లా నిర్వాహకులు తెలిపారు.