Medak: పెళ్లిలో మంగళసూత్రం దొంగలించిన పురోహితుడు

Medak: మెదక్‌ జిల్లా తుప్రాన్‌ మండలం పడాల పల్లి గ్రామంలో ఓ బ్రహ్మణుడు చేతివాటం ప్రదర్శించాడు. పెళ్లి జరిపించాల్సిన పంతులే మంగళసూత్రం దొంగిలించాడు. అంతేకాదు.. తాళి కట్టించకుండా దండలు మార్పించి వివాహం జరిపించాడు. అయితే పెళ్లి వీడియోలో పంతులు దొంగతనం బట్టబయలైంది. మంగళసూత్రాన్ని తన జేబులో వేసుకుంటున్నట్లుగా అందులో స్పష్టంగా రికార్డయింది.

దీంతో ఆ దొంగ పురోహితుడి కోసం వధూవరుల బంధువులు రెండు రోజులుగా వెతకడం మొదలుపెట్టారు. అయితే, ఈ వ్యవహారం తెలిసిన సదరు పూజారి ఫోన్ స్విచాఫ్ చేసి పరారయ్యాడు. దీంతో అతని ఇంటికెళ్లి అడిగితే తనకేమీ తెలియదని ఆయన భార్య సమాధానమిచ్చినట్లు తెలిసింది. దీంతో బంధువులు పోలీస్ స్టేషన్‌లో ఫిర్యాదు చేశారు. పోలీసులు వీడియోను చూసి పురోహితుడి కోసం గాలిస్తున్నారు.