Harish Rao: సిద్దిపేట నుంచి సోలాపూర్‌కు బస్సు సర్వీసులను ప్రారంభించిన మంత్రి హరీశ్ రావు

Harish Rao: సిద్దిపేట నుంచి సోలాపూర్‌కు వెళ్లే మూడు నూతన డిలక్స్ బస్సు సర్వీసులను మంత్రి హరీశ్ రావు ప్రారంభించారు. సిద్దిపేట నుంచి సోలాపూర్‌కు చాలా మంది వెళుతుంటారని... ప్రజల సౌకర్యార్ధం కొత్త సర్వీసులను ఏర్పాటు చేసినట్లు తెలిపారు. త్వరలోనే సిద్దిపేట నుంచి హైదరాబాద్ వరకు ఐదు డిలక్స్ సర్వీసులను అందుబాటులోకి తెస్తామన్నారు. ప్రయాణికులకు ఎలాంటి ఇబ్బంది కలగకుండా ఆర్టీసీ అధికారులు అన్ని ఏర్పాట్లు చేస్తున్నట్లు హరీశ్ రావు చెప్పారు.