Telangana: కనీస వేతనాన్ని పెంచిన తెలంగాణ సర్కార్

Telangana: రోజు వారి కూలీలకు చెల్లించే కనీస వేతనాన్ని పెంచుతూ తెలంగాణ సర్కార్ నిర్ణయం తీసుకుంది. ఈ మేరకు ప్రభుత్వం ఉత్తర్వులు జారీ చేసింది. ప్రస్తుతం రోజు వారి కూలీలకు ఉన్న వేతనం రూ. 300 ను రూ. 390 కి పెంచింది. అలాగే.. కన్సాలిడేటెడ్ పే వర్కర్ల వేతనాన్ని రూ. 8 వేల నుంచి రూ.10,400 చేసింది. పార్ట్‌టైమ్ వర్కర్ల జీతాన్ని రూ. 4,000 నుంచి 5,200 లకు పెంచారు. ఈ మేరకు ప్రభుత్వం నోటిఫికేషన్ జారీ చేసింది.

అసలే కరోనా సంక్షోభంతో అల్లాడుతున్న కూలీలకు ఈ నిర్ణయం పెద్ద ఉపశమనంతో పాటు.. కాస్త ధైర్యాన్ని కల్పించినట్లు అయిందంటున్నారు. అయితే వేతనం పెంచుతూ ప్రభుత్వం చేసిన ప్రకటనపై రోజువారీ కూలీలు హర్షాతిరేకాలు వ్యక్తం చేస్తున్నారు. ప్రభుత్వానికి కృతజ్ఞతలు తెలుపుతున్నారు.