CM KCR: మానుకోటలో బీఆర్‌ఎస్‌ పార్టీ కార్యాలయాన్ని ప్రారంభించిన సీఎం కేసీఆర్‌

CM KCR: సీఎం కేసీఆర్‌ మహబూబాబాద్‌ జిల్లాలో పర్యటిస్తున్నారు. జిల్లా కేంద్రమైన మానుకోటలో కొత్తగా నిర్మించిన బీఆర్‌ఎస్‌ పార్టీ కార్యాలయాన్ని ఆయన ప్రారంభించారు. అనంతరం బీఆర్‌ఎస్‌ పార్టీ జెండాను ఆవిష్కరించారు సీఎం కేసీఆర్. ఆ తర్వాత పార్టీ కార్యాలయంలో ప్రత్యేక పూజలు నిర్వహించారు. బీఆర్‌ఎస్‌ పార్టీ జిల్లా అధ్యక్షురాలు, ఎంపీ కవితను కుర్చీలో కూర్చోబెట్టి శుభాకాంక్షలు తెలిపారు. అనంతరం జిల్లా కలెక్టరేట్‌ను సీఎం కేసీఆర్‌ ప్రారంభించారు. కాసేపట్లో జిల్లా అభివృద్ధిపై అధికారులు, ప్రజాప్రతినిథులతో ఆయన సమీక్ష నిర్వహించనున్నారు.