BRS: ఆటో డ్రైవర్ల వేషంలో అసెంబ్లీకి బీఆర్ఎస్ ప్రజా ప్రతినిధులు

BRS: ఆటో డ్రైవర్ల వేషంలో బీఆర్ఎస్ ఎమ్మెల్యేలు, ఎమ్మెల్సీలు బుధవారం అసెంబ్లీకి వచ్చారు. ఆటోను నడుపుకుంటా అసెంబ్లీకి కేటీఆర్ వెళ్లారు. ఆటో డ్రైవర్లకు ఎన్నికల మేనిఫెస్టోలో ఇచ్చిన హామీలను అమలు చేయాలని బీఆర్ఎస్ డిమాండ్ చేసింది. ఆటో కార్మికుల కోసం సంక్షేమ బోర్డు ఏర్పాటు చేస్తామని కాంగ్రెస్ హామీ ఇచ్చిన విషయాన్ని ఆయన గుర్తు చేశారు.

ఆటో డ్రైవర్ల వేసుకునే ఖాకీ చొక్కాలు ధరించి బీఆర్ఎస్ ప్రజా ప్రతినిధులు అసెంబ్లీకి హాజరయ్యారు. రాష్ట్ర ప్రభుత్వ విధానాలతో రాష్ట్రంలో 93 మంది ఆటో డ్రైవర్లు ఆత్మహత్య చేసుకున్నారని కేటీఆర్ ఆరోపించారు. ఆత్మహత్య చేసుకున్న కుటుంబాలను ఆదుకోవాలని ఆయన కోరారు.

అంతేకాకుందా ఆటో డ్రైవర్లకు రూ. 12 వేల ఆర్ధిక సహాయాన్ని అందించాలని బీఆర్ఎస్ కోరింది. ఆటో డ్రైవర్ల సమస్యలపై బీఆర్ఎస్ వాయిదా తీర్మానం ఇచ్చింది. . లగచర్ల రైతులకు న్యాయం చేయాలని డిమాండ్ తో  బీఆర్ఎస్ ప్రజా ప్రతినిధులు మంగళవారం అసెంబ్లీకి నల్లచొక్కాలు, చేతులకు బేడీలు వేసుకొని అసెంబ్లీకి వచ్చారు.

బీఆర్ఎస్ కు మంత్రి పొన్నం ప్రభాకర్ కౌంటర్

బీఆర్ఎస్ ప్రజా ప్రతినిధులు ఆటోరిక్షాలో అసెంబ్లీకి వచ్చిన విషయమై మంత్రి పొన్నం ప్రభాకర్  స్పందించారు. ఆటో రిక్షా కార్మికుల సమస్యలను పరిష్కరిస్తామని ఆయన చెప్పారు. రోజుకో నిరసన పేరుతో బీఆర్ఎస్ ప్రజా ప్రతినిధులు తమ తమ ఉనికిని చాటుకొనే ప్రయత్నం చేస్తున్నారని ఆయన విమర్శించారు.