Realme V70 Series: సౌండ్ అదిరింది.. రియల్‌మీ నుంచి రెండు బడ్జెట్ ఫోన్లు.. వెరీ చీప్‌గా కొనచ్చు..!

Realme V70 Series: రియల్‌మీ చైనాలో రెండు కొత్త బడ్జెట్-ఫ్రెండ్లీ స్మార్ట్‌ఫోన్‌లను విడుదల చేసింది. అందులో Realme V70, Realme V70s ఉన్నాయి. ఇవి స్లిమ్, స్టైలిష్ డిజైన్‌లతో ఉంటాయి. మొబైల్‌లో మీడియాటెక్ డైమెన్సిటీ 6300 5జీ ప్రాసెసర్ ఉంది, ఇది మెరుగైన పనితీరును అందిస్తుంది. అలాగే, రెండు హ్యాండ్‌సెట్‌లు శక్తివంతమైన ధ్వని, స్పష్టమైన వాయిస్ కోసం 300శాతం అల్ట్రా-లౌడ్ స్పీకర్‌లతో వస్తున్నాయి. ఎక్కువ డబ్బు ఖర్చు చేయకుండా నమ్మకమైన 5G కనెక్టివిటీ, సుదీర్ఘ బ్యాటరీ లైఫ్‌తో ఈ ఫోన్లు ఉత్తమ ఎంపిక. వీటి గురించి పూర్తి వివరాలు తెలుసుకుందాం.

Realme V70-V70s Specifications

ఈ రెండు స్మార్ట్‌ఫోన్లలో సున్నితమైన స్క్రోలింగ్, మెరుగైన ప్రతిస్పందన కోసం 120Hz అధిక రిఫ్రెష్ రేట్‌తో పెద్ద 6.72-అంగుళాల డిస్‌ప్లే ఉంది. రెండు ఫోన్‌లు కూడా పూర్తి DC డిమ్మింగ్‌ని అందిస్తాయి, ఇవి కళ్లను రక్షించడానికి, ఎక్కువసేపు ఉపయోగించినప్పుడు ఫ్లికర్‌ని తగ్గించడానికి సహాయపడతాయి. డిస్‌ప్లేలు అడాప్టివ్ కలర్ టెంపరేచర్ కంట్రోల్, మల్టిపుల్ కంటి-కేర్ మోడ్‌లతో వస్తాయి, వాటిని గేమింగ్, రీడింగ్ లేదా వీడియో స్ట్రీమింగ్ కోసం సౌకర్యవంతంగా చేస్తాయి.

రియల్‌మీ V70 స్మార్ట్‌ఫోన్‌లో మీడియాటెక్ డైమెన్సిటీ 6300 5G ప్రాసెసర్ ఉంది. V70s ఫోన్‌లో మీడియాటెక్ డైమెన్సిటీ 6100+ 5G ప్రాసెసర్‌తో వస్తుంది. రెండు ఫోన్‌లు డైనమిక్ ర్యామ్‌కు సపోర్ట్ ఇస్తాయి, 16జీబీ వరకు ర్యామ్, 256జీబీ ఇంటర్నల్ స్టోరేజ్ ఉంది. ఫోన్ రీడిజైన్ చేసిన ఇంటర్‌ఫేస్, అప్‌డేట్ చేసిన నోటిఫికేషన్ మేనేజ్‌మెంట్‌ను అందించే ఆండ్రాయిడ్ ఆధారంగా Realme UI 6.0లో రన్ అవుతుంది.

రెండు స్మార్ట్‌ఫోన్స్‌లో 50MP AI కెమెరా ఉంది. ఇతర వివరాలు ఇంకా వెల్లడించలేదు. పోర్ట్రెయిట్‌లు, మెరుగైన లేయర్డ్ షాట్‌ల కోసం మ్యాజిక్ డెప్త్ AI కూడా ఉంటుంది. వీటిలో 5000mAh బ్యాటరీ ఉంది. కంపెనీ గరిష్టంగా 10 గంటల నిరంతర వీడియో ప్లేబ్యాక్, 38 గంటల టాక్ టైమ్, దాదాపు 80 గంటల మ్యూజిక్ ప్లేబ్యాక్‌ను క్లెయిమ్ చేస్తుంది. స్పష్టమైన ధ్వని కోసం అల్ట్రా-లౌడ్ స్పీకర్‌లతో వస్తాయి. అవి మిలిటరీ-గ్రేడ్ డ్రాప్ రెసిస్టెన్స్, రీన్‌ఫోర్స్డ్ కార్నర్‌లు, 2 మీటర్ల ఎత్తు నుండి పడిపోయినప్పుడు కూడా సురక్షితంగా ఉండే ప్రెజర్-కాస్ట్ అల్యూమినియం ఫ్రేమ్‌తో నిర్మించారు.

Realme V70 Price

Realme V70 ప్రారంభ ధర 6GB + 128GB వేరియంట్‌ 1,199 యువాన్లు (సుమారు రూ. 14,140), 8GB + 256GB వేరియంట్1,499 యువాన్ (సుమారు రూ. 17,678). Realme V70s ధర 6GB + 128GB వెర్షన్ 1,499 Yuan (సుమారు రూ. 17,678), 8GB + 256GB వేరియంట్ 1,899 యువాన్ (సుమారు రూ. 22,395). రెండు స్మార్ట్‌ఫోన్‌లు ఇప్పుడు చైనాలోని అధికారిక రియల్‌మీ వెబ్‌సైట్‌లో అందుబాటులో ఉన్నాయి.