Rohit Sharma: వారసుడొచ్చాడు..మగబిడ్డకు జన్మనిచ్చిన రోహిత్ శర్మ సతీమణి

Rohit Sharma: టిమిండియా కెప్టెన్ రోహిత్ శర్మ మరోసారి తండ్రి అయ్యాడు. అతనిసతీమణి రితికా సజ్దే పండంటి మగబిడ్డకు జన్మనిచ్చింది. రోహిత్ శర్మ-రితికా దంపతులకు ఇప్పటికే సమైరా కుమార్తె ఉంది. రితికాను రోహిత్ ప్రేమించి పెళ్లి చేసుకున్న విషయం తెలిసిందే.ఇరు కుటుంబాల పెద్ద ఆశీర్వాదంతో 2015 డిసెంబర్ 13వ తేదీన వీరి వివాహం జరిగింది. ఈ జంటకు 2018 డిసెంబర్ 30న జన్మించింది.

ఆస్ట్రేలియాతో ఐదుటెస్టుల సిరీస్ కోసం భారత జట్టు ఇప్పటికే అక్కడికి చేరింది. కానీ రోహిత్ శర్మ మాత్రం భారత్ లోనే ఉండిపోయాడు. తన భార్య రెండో కాన్పు నేపథ్యంలోనే అతను ఆస్ట్రేలియాకు వెళ్లలేదన్న వార్తలు వచ్చాయి. ప్రస్తుతం రితికా పండంటి బిడ్డకు జన్మనివ్వడంతో రోహిత్..ఆస్ట్రేలియాతో తొలి టెస్టుకు ముందే కంగారుల గడ్డపై అడుగుపెట్టే అవకాశం ఉంది.