Viral Video: ఈ డ్రైవర్‌ చేసిన పనికి హ్యాట్సాఫ్‌ చెప్పాల్సిందే.. భలే బుద్ధి చెప్పావన్న..!

Viral Video: ఆకతాయిలకు కొదవే ఉండదు. తమ పైశాచిక ఆనందం కోసం ఇతరులను ఇబ్బందులకు గురి చేస్తుంటారు. తాజాగా ఇలా చేసిన ఓ ఆకతాయికి బస్సు డ్రైవర్‌ సరైన బుద్ధి చెప్పాడు. ఇంతకీ ఆ ఆకతాయి ఏం చేశాడు.? బస్సు డ్రైవర్‌ ఎలా బుద్ది చెప్పాడో తెలియాలంటే ఈ స్టోరీలోకి వెళ్లాల్సిందే.

సాధారణంగా బస్టాప్‌ల సమీపంలో స్నాక్స్‌ అమ్ముకునే చాలా మందిని చూశే ఉంటాం. స్టాప్‌లో ఆగిన ఆ కాసేపు సమయంలోనే స్నాక్స్‌ను విక్రయిస్తూ నాలుగు రూపాయలు సంపాదించుకుంటుంటారు. అయితే కొన్ని సందర్భాల్లో బస్సు ముందుకు సాగుతూనే ఉంటే దాని వెనకాల పరుగులు పెడుతుంటారు. ఇలాంటి దృశ్యాలు మనం నిత్యం చూస్తూనే ఉంటాం.

అయితే ఇలా స్నాక్‌ అమ్ముకుంటున్న ఓ వ్యక్తికి వింత అనుభవం ఎదురైంది. స్నాక్‌ విక్రయిస్తున్న సమయంలో బస్సులో ఉన్న ఓ ఆకతాయి.. డబ్బులు ఇవ్వకుండా ఇబ్బంది పెట్టాడు. డబ్బులు ఇస్తున్నట్లే ఇస్తూ.. మళ్లీ చేతిని బస్సు లోపలికి తీసుకున్నాడు. దీనంతటిని రెయిర్ మిర్రర్‌లో గమనించిన బస్సు డ్రైవర్‌ వెంటనే బస్సును ఆపేసి దిగి వెనక్కి వచ్చాడు. ఆ ఆకతాయికి బుద్ధి చెప్పి స్నాక్స్‌ అమ్ముకునే వ్యక్తికి డబ్బు ఇప్పించి.. మళ్లీ బస్సు స్టార్ట్‌ చేసుకొని మూవ్‌ అయ్యాడు.

దీనంతటిని అక్కడే ఉన్న ఓ వ్యక్తి స్మార్ట్‌ ఫోన్‌లో చిత్రీకరించి సోషల్‌ మీడియాలో పోస్ట్‌ చేశాడు. ఇంకెముందు ఈ వీడియో కాస్త నెట్టింట తెగ ట్రెండ్‌ అవుతోంది. ఈ వీడియో చూసిన నెటిజన్లు ఆ ఆకతాయిపై ఓ రేంజ్‌లో ఫైర్‌ అవుతున్నారు. ఏదో చిన్న పని చేసుకుంటూ జీవనం సాగిస్తున్న చిరు వ్యాపారిని ఇలా ఆటపట్టించడం దారుణమని మండిపడుతున్నారు.