Viral Video: వారెవ్వా ఏం ఐడియా గురూ.! అలెక్సాతో క్రాకర్స్‌ ఎలా కాల్చుతున్నాడో చూడండి..!

Viral Video: దీపావళి పండుగను దేశమంతా ఉత్సాహంగా జరుపుకుంది. చిన్నాపెద్ద అనే తేడా లేకుండా అందరూ క్రాకర్స్ కాల్చుతూ ఎంజాయ్‌ చేశారు. అయితే సాధారణంగా ఎవరైనా క్రాకర్స్‌ను చేత్తోనే కాలుస్తారు కదూ! అయితే ఓ యువకుడు మాత్రం ఇందుకు విభిన్నంగా ఆలోచించాడు. ఆర్టిఫిషియల్‌ ఇంటెలిజెన్స్‌తో పనిచేసే అలెక్సాతో క్రాకర్స్‌ కాల్చాడు.

ప్రస్తుతం ఇందుకు సంబంధించిన వీడియో ఒకటి సోషల్‌ మీడియాలో వైరల్‌ అవుతోంది. ఇంతకీ అలెక్సాతో క్రాకర్స్‌ ఎలా కాల్చాడనేగా మీ సందేహం అయితే ఈ స్టోరీలోకి వెళ్లాల్సిందే. క్రాకర్స్‌ను కాల్చేందుకు ఆ యువకుడు ఒక వైర్‌ను తీసుకొని. మధ్యలో వైర్‌ స్లీవ్‌ను కట్‌ చేసి రెసిస్టెంట్‌లాగా పనిచేసే ఒక వస్తువును అమర్చాడు.

రెసిస్టెంట్ గుండా కరెంట్ ప్రవహిస్తే మంట పుడుతుందని తెలిసిందేగా. ఆ రెసిస్టెంట్‌ను రాకెట్‌ను వెలిగించే వత్తి దగ్గర పెట్టాడు. అనంతరం అలెక్స్‌కు కమండ్‌ ఇవ్వడం ద్వారా కరెంట్‌ ప్రవహించేలా సెట్‌ చేశాడు. అంతే.. అలెక్సా రాకెట్ లాంచ్‌ చేయు అనగానే అలెక్సా స్పందిస్తూ “ఎస్‌ బాస్, రాకెట్‌ను ప్రయోగిస్తున్నాను” అని సమాధానం ఇస్తుంది. ఆ తర్వాత ఆ దీపావళి రాకెట్‌ పైకి వెళ్లి పేలుతుంది.

దీనంతటినీ వీడియోగా తీసి సోషల్‌ మీడియాలో పోస్ట్‌ చేశాడు. దీంతో ఈ వీడియో ప్రస్తుతం సోషల్‌ మీడియాలో తెగ వైరల్‌ అవుతోంది. ఇది చూసిన నెటిజన్లు రకరకాలుగా స్పందిస్తున్నారు. ఇది చూస్తే ఎలాన్‌ మస్క్‌ కచ్చితంగా ఇతడిని పిలవడం ఖాయమంటూ కామెంట్స్‌ చేస్తున్నారు. ఏదిఏమైనా ఈ యువకుడు చేసిన పని భలే ఉంది కదూ!