Tamilisai: అమిత్ షా క్లాసు తీసుకుంటున్న వీడియోపై క్లారిటీ
Tamilisai Soundararajan: ఏపీ సీఎంగా చంద్రబాబు ప్రమాణ స్వీకారోత్సవం చేసిన సమయంలో ఆ స్టేజ్పై కేంద్ర మంత్రి అమిత్ షా తెలంగాణ మాజీ గవర్నర్ తమిళిసైకి క్లాసు తీసుకుంటున్నట్లు ఓ వీడియో వైరల్ అయింది.
Tamilisai Soundararajan: ఏపీ సీఎంగా చంద్రబాబు ప్రమాణ స్వీకారోత్సవం చేసిన సమయంలో ఆ స్టేజ్పై కేంద్ర మంత్రి అమిత్ షా తెలంగాణ మాజీ గవర్నర్ తమిళిసైకి క్లాసు తీసుకుంటున్నట్లు ఓ వీడియో వైరల్ అయింది. ఆ వీడియోపై వదంతులు వ్యాపించడంతో తమిళిసై క్లారిటీ ఇచ్చారు. తన ఎక్స్ అకౌంట్లో ఆమె వివరాలు వెల్లడించారు. లోక్సభ ఎన్నికల ఫలితాల తర్వాత తొలిసారి అమిత్ షాను కలిశానని ఎన్నికల తర్వాత చేపట్టాల్సిన అంశాల గురించి చర్చించుకున్నట్లు ఆమె తెలిపారు.
ప్రతి నియోజకవర్గంలోనూ విస్తృత స్థాయిలో రాజకీయ, సేవ కార్యక్రమాలపై దృష్టి పెట్టాలని షా సూచించినట్లు ఆమె చెప్పారు. వీడియో ఆధారంగా అనవసర ఆరోపణలు వస్తున్నట్లు ఆమె పేర్కొన్నారు. తమిళనాడు బీజేపీలో అంతర్గత కుమ్ములాట జరుగుతోందన్న ఊహాగానాలను తెరదించేందుకు తమిళిసై పోస్టు పెట్టారు. మరోవైపు అన్నామలై సైతం ఈ వివాదానికి శుభంకార్డు పలికారు. స్వయంగా తమిళిసై ఇంటికి వెళ్లి ఇద్దరి మధ్య ఎలాంటి విబేధాలు లేవని రాసుకొచ్చారు. తమిళనాడు రాష్ట్ర అధ్యక్షురాలిగా ఆమె ఎంతో సేవ చేసింద్నారు అన్నామలై.