తమిళనాడులో ఘోర రోడ్డు ప్రమాదం జరిగింది. హాలీవుడ్‌ మూవీని తలపించేలా క్షణాల్లో 13 కార్లు నుజ్జునుజ్జయ్యాయి. ఈ ఘోర ప్రమాదంలో ఆరుగురు అక్కడికక్కడే చనిపోయారు. మరికొంత మంది తీవ్రంగా గాయపడ్డారు. సేలం మార్గంలో ఉన్న బ్రిడ్జిపై ఓ సిమెంట్ లారీ అదుపు తప్పి 13 కార్లపైకి దూసుకెళ్లింది. దీంతో వాహనాలన్నీ పూర్తిగా ధ్వంసమయ్యాయి. ఘటనా స్థలంలో మృతదేహాలు చెల్లాచెదురుగా పడి ఉన్నాయి. క్షతగాత్రులను సేలం సమీపంలోని ప్రభుత్వ ఆస్పత్రికి తరలించారు.