Mukesh Ambani's Diwali Gifts: అంబానీ రిలయన్స్ ఉద్యోగులకు దీపావళి గిఫ్టుగా ఏం ఇచ్చారో తెలుసా?
Diwali Gifts From Mukesh Ambani: దీపావళి అంటే వెలుగుల పండుగ.. ప్రతి ఒక్కరూ ఆనందోత్సాహాల నడుమ ఇళ్లు, వాకిళ్లు వెలుగులతో నింపుకుని జరుపుకునే సంతోషాల వేడుక.. ఈ ఆనందదాయయమైన పండుగ వేళ రిలయన్స్ అధినేత ముఖేష్ అంబానీ ఉద్యోగులకు ఇచ్చిన గిఫ్ట్ హ్యాంపర్‌ల వీడియో సోషల్ మీడియాలో వైరల్ అవుతోంది. పండగ నేపథ్యంలో అంబానీలు తమ ఉద్యోగులకు అందించిన గిఫ్ట్ హ్యాంపర్‌లో గ్రీటింగ్ కార్డ్, బాదం, జీడి పప్పు, ఎండు ద్రాక్షతో కూడిన మూడు వేర్వేరు ప్యాకెట్‌లను చక్కగా గుడ్డ సంచిలో పెట్టి.. అందంగా రూపొందించిన తెల్లటి పెట్టెలో పెట్టి అందించారు.
దీపావళి నేపథ్యంలో పలు కంపెనీలు క్యాష్ బోనస్‌ల నుండి సాంప్రదాయ స్వీట్లు, స్నాక్స్‌తో ఉద్యోగులను బహుమతులతో ముంచెత్తుతూ పండుగను జరుపుకుంటున్నాయి. ఇండియాలో బిజినెస్ చేసే వ్యాపార సంస్థల విషయంలో ఇది ఒక ఆనవాయితీగా వస్తోంది. అందులోనూ బిలియనీర్ ముఖేష్ అంబానీ నేతృత్వంలోని రిలయన్స్ ఇండస్ట్రీస్.. తన ఉద్యోగులకు డ్రై ఫ్రూట్స్‌తో కూడిన ప్రత్యేక గిఫ్ట్ బాక్స్‌లను అందజేసి మరోసారి వార్తల్లో నిలిచింది.
గిఫ్ట్ బాక్సులో శుభ్ దీపావళి అని ఇంగ్లీష్, హిందీలో రాసి సిబ్బందికి దీపావళి శుభాకాంక్షలు తెలిపారు. వైట్ బాక్సులో రిలయన్స్ ఇండస్ట్రీస్ చైర్మన్ ముఖేష్ అంబానీ, అతని భార్య నీతా అంబానీ, ఆకాష్ అంబానీ, శ్లోకా మెహతా, ఇషా అంబానీ, ఆనంద్ పిరమల్, అనంత్ అంబానీ, రాధిక మర్చంచ్, కుటుంబంలోని మనవళ్లు, మనవరాళ్ల తరపున శుభాకాంక్షలతో మెసేజ్ ఉంది. రిలయన్స్ జియో ఇన్ఫోకామ్‌లో పనిచేస్తున్న సాఫ్ట్‌వేర్ డెవలపర్ ఈ బహుమతి వీడియోను షేర్ చేశారు. ఇది సోషల్ మీడియాలో 1.6 మిలియన్లకు పైగా వ్యూస్ రాబట్టింది.