జమ్మూ కాశ్మీర్‌లో మరో ఉగ్రవాది ఎన్‌కౌంటర్

జమ్మూ కాశ్మీర్‌లో మరోసారి తుపాకీ మోత మోగింది. కుల్గాం జిల్లాలోని లిఖాది పోరాలో జరిగిన ఎన్‌కౌంటర్‌లో ఒక ఉగ్రవాది మృతి చెందాడు. అయితే, అతను ఏ ఉగ్రవాద సంస్థకు చెందినవాడో మాత్రం ఇంకా గుర్తించలేదు. ఎన్‌కౌంటర్ విషయాన్ని జమ్మూ కాశ్మీర్ పోలీసులు శనివారం ఆలస్యంగా తెలియజేశారు. కాగా ఈ నెల మొదటి రెండు రోజుల్లో భద్రతా దళాలు ఎనిమిది మంది ఉగ్రవాదులను హతమార్చాయి.

వీరిలో ఐదుగురు షోపియన్‌లో, ముగ్గురు అవంతిపోరా ఎన్‌కౌంటర్‌లో మృతి చెందారు. మృతి చెందిన ఉగ్రవాదులు జైషే మహ్మద్‌ కు చెందినవారు కాగా.. మొత్తం ఈ నెలలో 11 ఎన్‌కౌంటర్లు జరిగాయి. ఇందులో 35 మంది ఉగ్రవాదులు హతమయ్యారు. ఇక ఇటీవల, పాకిస్తాన్ నుండి నడుస్తున్న నార్కో-టెర్రర్ రాకెట్ కూడా పట్టుబడింది. ఈ రాకెట్ ఉగ్రవాదులకు నిధులు సమకూర్చడంలో సహాయపడుతుందని అధికారులు తేల్చారు.