'ఆహా' ఓటీటీలోకి మరో సస్పెన్స్ థ్రిల్లర్ మూవీ.. 17 నుంచి స్ట్రీమింగ్‌కు సిద్ధమైన "కాళరాత్రి"

Kalaratri: హనుమాన్ మీడియా బ్యానర్‌పై బాలు చరణ్ "కాళరాత్రి" సినిమాను నిర్మించారు. ఈ సినిమాకు మర్ఫీ దేవసి దర్శకత్వం వహించారు. సస్పెన్స్ థ్రిల్లర్ కథతో రూపొందిన కాళరాత్రి సినిమా ఈ నెల 17వ తేదీ నుంచి ఆహా ఓటీటీలో స్ట్రీమింగ్‌కు రాబోతోంది.ఈ సినిమాలో బాబు రాజ్, చేంబన్ వినోద్, బిను పప్పు, గణపతి, తదితరులు కీలక పాత్రలు పోషించారు.

ఇక కథ విషయానికి వస్తే.. 266 ఎకరాలను అతి తక్కువ ధరకు కొనేందుకు వెళ్లిన స్నేహితుల బృందం ఆ తోటలో ఉన్న గెస్ట్ హౌస్ చూసి సర్ ప్రైజ్ అవుతారు. ఎంతో అందంగా ఉన్న ఆ గెస్ట్ హౌస్‌లో పార్టీ చేసుకుంటారు. ఈ క్రమంలో ఆ భవనంలో అనూహ్య ఘటనలు జరుగుతుంటాయి. వారిలో కొందరు చనిపోతారు. ఈ హత్యలకు కారణం ఎవరన్నది అంతు చిక్కదు. ఇలాంటి ఆసక్తికర మలుపులతో ట్రైలర్ ఆకట్టుకుంది. వీళ్లు ఎందుకు చనిపోతున్నారు. ఎలా చనిపోతున్నారో తెలియాలంటే మూవీ చూడాల్సిందే. సస్పెన్స్ థ్రిల్లర్ సినిమాలను ఇష్టపడే ప్రేక్షకులకు కాళరాత్రి సినిమా బాగా నచ్చుతుంది.