Khiladi: 'ఖిలాడి' యాక్షన్ మోడ్ ఆన్ - బైక్ స్టంట్‌లో బిజీగా మాస్ మహారాజ

Khiladi Movie: టాలీవుడ్ హీరో రవితేజ "ఖిలాడి" యాక్షన్ స్టంట్స్ షూటింగ్ లో బిజీగా ఉన్నారు. ఈ మేరకు షూటింగ్ ఫొటోను ఇన్‌స్టాగ్రామ్‌లో పోస్ట్ చేశాడు ఈ హీరో. ఈ ఫొటోలో రవితేజ ఇటలీలోని మిలన్ వీధుల్లో బైక్ స్టంట్స్ చేస్తున్నట్లు కనిపిస్తాడు. బ్లాక్ సూట్ ధరించి, బైక్ పై చేజ్ చేస్తున్నాడు ఈ మాస్ హీరో.

ఈ ఫొటోకు "యాక్షన్ మోడ్ ఆన్, ఖిలాడి" అని క్యాప్షన్ కూడా ఇచ్చాడు మాస్ మహారాజ. రమేష్ వర్మ డైరెక్షన్ చేస్తున్న ఈ సినిమా.. యాక్షన్ కామెడీగా రానుంది. ఈ చిత్రంలో అర్జున్ సర్జా, ఉన్ని ముకుందన్, మీనాక్షి చౌదరి, డింపుల్ హయతి కూడా నటించారు.

కోవిడ్-19 తరువాత విడుదలైన సినిమాలో రవితేజ 'క్రాక్' కూడా ఒకటి. వరలక్ష్మి శరత్‌కుమార్, శ్రుతి హాసన్ కలిసి నటించిన తెలుగు యాక్షన్ మూవీ బ్లాక్ బస్టర్‌గా నిలిచిన సంగతి తెలిసిందే.