Pawan kalyan's Panjaa movie actress Sarah Jane Dias: పవన్ కళ్యాణ్‌ హీరోగా వచ్చిన చిత్రం పంజా. విష్ణువర్దన్‌ దర్శకత్వం వహించిన ఈ సినిమా 2011లో ప్రేక్షకుల ముందుకు వచ్చిన విషయం తెలిసిందే. సినిమా కమర్షియల్‌గా ఆశించిన స్థాయిలో విజయాన్ని అందుకోలేకపోయినా.. ఫ్యాన్స్‌ను మాత్రం తెగ ఆకట్టుకుంది. ఈ సినిమాలో పవన్ అద్భుతమైన నటన, మేకోవర్‌ ఫ్యాన్స్‌ను ఫిదా చేసింది.
ఈ సినిమాలో పవన్‌కు జోడిగా సారా జేన్ డియాస్, అంజలి లావానియా హీరోయిన్లుగా నటించారు. ముఖ్యంగా సారా జేస్‌ డియాస్ ప్రేక్షకులను మరింత మెప్పించింది. కుర్రాళ్లకు పక్కింటి అమ్మాయిలా కనిపించిన సారా తెలుగు ప్రేక్షకులను ఫిదా చేసింది. అయితే ఈ సినిమాతో భారీగా క్రేజ్‌ దక్కించుకున్న సారాకు తెలుగులో వరుస అవకాశాలు వస్తాయని అంతా భావించారు.
అయితే సారాకు ఆ తర్వాత ఆశించిన స్థాయిలో అవకాశాలు రాలేవని చెప్పాలి. 2017లో వచ్చిన వైస్రాయ్‌ హౌజ్‌ అనే ఇంగ్లిష్‌ చిత్రంలో చివరిసారిగా నటించింది బ్యూటీ. తెలుగులో మాత్రమే కాకుండా ఇతర భాషల్లోనూ అమ్మడికి పెద్దగా ఆఫర్స్ లేవు. ఒమన్‌ దేశానికి చెందిన ఈ చిన్నది.. ఇండస్ట్రీలోకి అడుగుపెట్టకముందు టీవీ హోస్ట్‌గా, వీడియో జాకీగా కెరీర్‌ను మొదలు పెట్టింది.
ఆ తర్వాత మోడలింగ్‌లోకి ఎంట్రీ ఇచ్చింది. 2010లో ‘తీరదా విలై‌యట్టు పిళ్ళై’ అనే తమిళ చిత్రంతో వెండి తెరకు పరిచయమైంది. 2011లో పంజా చిత్రంతో తెలుగు ప్రేక్షకులకు పరిచయమైంది. ఆ తర్వాత బాలీవుడ్‌లో కొన్ని సినిమాల్లో నటించింది. ఆ తరువాత అవకాశాలు తగ్గడంతో ప్రస్తుతం సినిమాలకు పూర్తిగా దూరంగా ఉంటోంది.
సినిమాలతో ఆడియెన్స్‌కు దూరమైనప్పటికీ.. సోషల్‌ మీడియా వేదికగా మాత్రం అభిమానులతో ఎప్పటికప్పుడు టచ్‌లో ఉంటోంది. తన లేటెస్ట్‌ ఫొటోలను ఇన్‌స్టా వేదికగా పంచుకుంటోంది. ఈ క్రమంలోనే తాజాగా పోస్ట్ చేసిన ఫొటోలు వైరల్‌ అవుతున్నాయి. చక్కనమ్మ చిక్కినా అందమే అన్నట్లు.. సన్నగా మారినా సారా అందంగా కనిపిస్తోంది.