Ntr-30 Movie Update: యంగ్ టైగర్ ఎన్టీఆర్ సినిమాలో లేడీ సూపర్ స్టార్!

Ntr-30 Movie Update: యంగ్ టైగర్ ఎన్టీఆర్ ఇటీవల కొరటాల శివ దర్శకత్వంలో ఓ సినిమాను ప్రకటించిన సంగతి తెలిసిందే. ఆ సినిమా పేరు ఎన్టీఆర్ 30. ఈ సినిమా గురించి ఓ క్రేజీ న్యూస్ టాలీవుడ్ వర్గాల్లో వైరల్‌గా మారింది. అదేంటంటే ఈ సినిమాలో లేడి సూపర్ స్టార్' విజయశాంతి నటిస్తున్నట్లు సమాచారం. విజయశాంతి చాలా గ్యాప్ తరువాత అంటే దాదాపు 13 ఏళ్ల తరువాత మహేష్ అనిల్ రావిపూడి సరిలేరు నీకెవ్వరూ సినిమాతో సినిమాల్లోకి మళ్ళీ రీఎంట్రీ ఇచ్చిన సంగతి తెలిసిందే. ఆమె పాత్ర ఈ సినిమాలో చాలా పవర్‌పుల్‌గా ఉంటుందట. ఇక మరోవైపు వరుసగా ఆరు సినిమాలతో ఫుల్ సక్సెస్ లో ఉన్న ఎన్టీఆర్ తో సినిమా అంటే, ఇక ఏ రేంజ్ లో సినిమా ఉంటుందో తెలుసుగా. అందుకే కొరటాల ఈ సినిమా కోసం భారీగా ప్లాన్ చేస్తున్నారు.

ఇక ఈ సినిమా కూడా మేసేజ్ ఒరియేంటెడ్‌గా వస్తోందట. అంతేకాదు ఈ సినిమాలో హీరోయిన్‌‌గా కియారా అద్వానీ ఫిక్స్ అయ్యినట్లు సమాచారం. ఈ సినిమాను కూడా పాన్ ఇండియా లెవెల్ లో తెరకెక్కిస్తున్నారు. ఈ సినిమాను నందమూరి తారకరామారావు ఆర్ట్స్, యువసుధ ఆర్ట్స్ ఈ సినిమాను సంయుక్తంగా నిర్మించబోతున్నాయి. మిక్కిలినేని సుధాకర్ ఈ చిత్రంతో నిర్మాతగా మారుతున్నారు. సినిమా షూటింగ్ మొదలు కాలేదు కానీ.. ఎప్రిల్ 29, 2022న ఈ చిత్రం విడుదల కానుందని ప్రకటించారు దర్శక నిర్మాతలు. ఎన్టీఆర్ నటిస్తున్న ప్రస్తుత సినిమా విషయానికి వస్తే.. ఆయన రాజమౌళి దర్శకత్వంలో ఆర్ ఆర్ ఆర్ అనే సినిమా చేస్తోన్న సంగతి తెలిసిందే.

ప్రస్తుతం కొరటాల శివ చిరంజీవితో ఆచార్య సినిమా చేస్తున్నాడు. ఈ సినిమా దాదాపు పూర్తి కావోచ్చింది. అయితే ప్రస్తుతం కరోనా సెకండ్ వేవ్ కారణంగా షూటింగ్‌ను కొన్ని రోజులు వాయిదా వేసింది చిత్రబృందం. ఈ సినిమా మే 13న విడుదలకావాల్సి ఉండగా.. ప్రస్తుత పరిస్థితుల మధ్య విడుదలను వాయిదా వేస్తున్నట్లు తాజా సమాచారం. ఇక ఈ సినిమా తర్వాత కొరటాల శివ ఎన్టీఆర్‌తో ఓ సినిమాను చేయనున్నాడు. గతంలో కొరటాల శివ ఎన్టీఆర్‌తో జనతా గ్యారేజి సినిమా చేసిన సంగతి తెలిసిందే. దీంతో ఈ సినిమాపై మంచి అంచనాలు ఉన్నాయి.