Manchu Lakshmi: కూతురితో కలిసి మంచు లక్ష్మి డ్యాన్స్.. వీడియో కింద కామెంట్స్ చూస్తే షాక్!!

Manchu Lakshmi Dance video: మోహన్ బాబు వారసురాలిగా సినిమా ఇండస్ట్రీలోకి ఎంట్రీ ఇచ్చిన మంచు లక్ష్మి.. నటిగా, సింగర్‌గా, నిర్మాతగా, హోస్ట్‌గా తెరపై కనిపించింది. సోషల్ మీడియాలో ఎంతో యాక్టివ్‌గా ఉండే మంచు లక్ష్మి... తన పర్సనల్, ప్రొఫెషనల్ లైఫ్‌కు సంబంధించి అప్‌డేట్స్‌ను అందులో షేర్ చేస్తుంటారు. ఇక ఆ మధ్యన ఎన్టీఆర్ దేవర సినిమాలోని చుట్టమల్లే సాంగ్‌కు స్టెప్పులేసిన మంచు లక్ష్మి తాజాగా మరోసారి డ్యాన్స్‌ చేసి వార్తల్లో నిలిచారు. తన కూతురు విద్యా నిర్వాణతో కలిసి ఇంగ్లీష్ ర్యాప్ సాంగ్‌కు డ్యాన్స్ చేసింది. దీనికి సంబంధించిన ఫొటోలు, వీడియో సోషల్ మీడియాలో షేర్ చేసింది.

అయితే ఈ వీడియోపై నెటిజన్లు రకరకాలుగా స్పందిస్తున్నారు. వావ్.. సూపర్, చిన్న గౌను వేసుకున్న పెద్ద పాప అంటూ ఆ వీడియో కింద కామెంట్స్ పోస్ట్ చేస్తున్నారు. ఇంకొందరు అంత చిన్న బట్టలు వేసుకుని డ్యాన్స్ చేయడం ఏంటని మండిపడుతున్నారు. మరికొందరైతే కూతురు స్కర్ట్‌ని.. నీ స్కర్ట్ అనుకుని వేసుకున్నావా అంటూ సెటైర్‌లు వేస్తున్నారు. ఇందులో మంచు లక్ష్మి కూతురు తన తల్లికి ఏ మాత్రం తీసిపోకుండా ఎనర్జిటిక్‌గా డ్యాన్స్ చేయడం అందరినీ ఆకట్టుకుంటోంది. మొత్తానికి ఈ వీడియో మాత్రం ప్రస్తుతం సోషల్ మీడియాలో వైరల్‌గా మారింది.

మంచు లక్ష్మి తరచూ నెట్టింట ఏదో ఒక వివాదంలో చిక్కుకుంటూ ట్రోల్స్‌కి గురవుతూ ఉంటారు. తన ఇంగ్లీష్‌తో కరోనా టైంలో ట్రోల్స్ బారిన పడ్డారు. ఆమె ఇంగ్లీష్‌ను అందరూ ఇమిటేట్ చేస్తూ సోషల్ మీడియాలో షేర్ చేసేవారు. ఇలా ఎప్పుడూ ఏదో ఒక విధంగా ట్రోల్స్ బారిన పడుతుంటారు మంచు లక్ష్మి.

సినిమాలతో పాటు పలు టీవీ షోల్లోనూ కనిపించిన మంచులక్ష్మీ గతకొంతకాలంగా వాటికి దూరంగా ఉంటోంది. పైగా తన నివాసాన్ని ముంబైకు షిఫ్ట్ చేసింది. ప్రస్తుతం ఎక్కువగా అక్కడే ఉంటోంది. అయితే ఈ మధ్య కాలంలో సామాజిక సేవా కార్యక్రమాల్లో మంచు లక్ష్మి పేరు బాగా వినిపిస్తోంది. రెండు తెలుగు రాష్ట్రాల్లోని ప్రభుత్వ బడుల అభివృద్ధి కోసం తన వంతు సహాయ సహాకారాలు అందిస్తోంది. టీచ్ ఫర్ ఛేంజ్ స్వచ్ఛంద సంస్థ అధ్యక్షురాలిగా పలు ప్రభుత్వ పాఠశాలలను దత్తత తీసుకుని ఆ పాఠశాలల్లో డిజిటల్ స్మార్ట్ తరగతులను నిర్వహించేందుకు ఏర్పాట్లు చేస్తోంది. ఇటీవలే తెలంగాణలోని జోగులాంబ గద్వాల జిల్లా గట్టు మండలం ఆలూరు గ్రామంలోని ప్రభుత్వ ప్రాథమిక పాఠశాలలో డిజిటల్ స్మార్ట్ తరగతులను మంచు లక్ష్మి ప్రారంభించారు.