Pushpa 2 Box Office: పుష్ప 2 బాక్సాఫీస్‌ను రూల్ చేస్తాడా?

Pushpa 2 Box Office: ఐకాన్ స్టార్ అల్లు అర్జున్ బాక్సాఫీస్‌ని ఏలడానికి సిద్ధం అవుతున్నాడు. ఈ సినిమాపై ఇప్పటికే భారీ అంచనాలు ఉన్నాయి. డిసెంబర్ 5న ఈ సినిమా విడుదల కాబోతోంది. పెద్ద మొత్తంలో వసూళ్లు రాబట్టే అవకాశం ఉందని చర్చ జరుగుతోంది. పుష్ప సినిమాలో ఏ బిడ్డా.. ఇది నా అడ్డా అనే సాంగ్.. ప్రస్తుతం అల్లు అర్జున్‌కి సరిగ్గా సూట్ అవుతున్నట్టు కనిపిస్తోందంటున్నారు ఆయన అభిమానులు. సోషల్ మీడియాలో పుష్ప 2 రేంజ్ అలా ఉందనేది వారి అభిప్రాయం. అయితే ఇటీవల సోషల్ మీడియాలో అల్లు అర్జున్‌పై కొన్ని కామెంట్స్ వచ్చినప్పటికీ.. వాటి ప్రభావం సినిమాపై ఉండకపోవచ్చు అని కొంతమంది సినీ విశ్లేషకులు చెబుతున్నారు.

ఇప్పటికే సినిమా డిస్ట్రిబ్యూట్ రైట్స్‌ని హిందీలో రవీనా టాండన్ భ్త అనిల్ తదాని కొని భారీ రేంజ్‌లో రిలీజ్ చేసేందుకు ప్లాన్ చేశారు. బాలీవుడ్ ఇండస్ట్రీలో ఆయన కూడా ఒక ఫేమస్ డిస్ట్రిబ్యూటర్. బాలీవుడ్‌లో పుష్ప 2 సినిమాకి పోటీగా నిలుస్తుందనుకున్న చావా సినిమా కూడా పోటీ నుంచి తప్పుకోవడంతో సోలో రిలీజ్ లభించింది.

ఇక హిట్ టాక్ వస్తే తెలుగు రాష్ట్రాలు, ఓవర్సీస్, ఇతర రాష్ట్రాల నుంచి రూ.600 నుంచి రూ.700 కోట్లు గ్రాస్ ఈజీగా వస్తుందంటున్నారు. ఈ లెక్కన ఈ సినిమాకు హిట్ టాక్ వస్తే రూ.వెయ్యి కోట్ల రికార్డ్ కొట్టడం చాలా సులభం. ఇక బ్లాక్ బస్టర్ అయితే మాత్రం మరో రేంజ్‌లో ఉంటుందంటున్నారు.

ఇటు తెలుగు, అటు హిందీలో పెద్ద సినిమాల కోసం అభిమానులు ఎంతో ఎదురుచూస్తున్నారు. ఇటీవల రిలీజ్ అయిన దేవర విజయం సాధించినప్పటికీ.. వెయ్యి కోట్లు సాధ్యం కాలేదు. 500 కోట్లు దాటాక కలెక్షన్స్‌ రాబట్టడంలో వేగం తగ్గింది. అంతా అనుకున్నట్టు జరిగితే ఈ సినిమా 1000 కోట్లు దాటి సరికొత్త చరిత్ర సృష్టించడం ఖాయమనే టాక్ బలంగా వినిపిస్తోంది.