Most Popular Hero And Heroine: టాప్ ర్యాంకులో ప్రభాస్, సమంత - లాస్ట్ ర్యాంకులో ఎవరో తెలుసా?

Most Popular Hero And Heroine: ప్రముఖ ఆర్మాక్స్ మీడియా సంస్థ ప్రతినెల హీరో, హీరోయిన్లకు సంబంధించి టాప్ 10 ర్యాంకులను వెల్లడిస్తోంది. అందులో భాగంగానే తాజాగా అక్టోబర్ నెలకు సంబంధించి మోస్ట్ పాపులర్ హీరో, హీరోయిన్ల జాబితాను ప్రకటించింది. హీరోల జాబితాలో ప్రభాస్ టాప్ స్థానంలో నిలవగా.. హీరోయిన్ల విభాగంలో సమంత మొదటి స్థానాన్ని దక్కించుకుంది.

ప్రభాస్ ప్రస్తుతం వరుసగా తన సినిమాల అప్‌డేట్స్‌తో అభిమానులకు ఉత్సాహాన్ని పంచుతున్నారు. ప్రభాస్ నటించిన పలు ప్రాజెక్టులు విడుదలకు సిద్ధంగా ఉండడంతో రాబోయే నెలల్లో కూడా ఆయన టాప్ స్థానాన్ని కొనసాగిస్తారని అభిమానులు ఆశిస్తున్నారు. హీరోల జాబితాలో రెండో స్థానంలో కోలీవుడ్ హీరో విజయ్, మూడో స్థానంలో బాలీవుడ్ కింగ్ షారూఖ్ ఖాన్ ఉన్నారు. నాల్గో స్థానంలో ఎన్టీఆర్, ఐదో స్థానంలో అజిత్ కుమార్, ఆరో స్థానంలో అల్లు అర్జున్, ఏడో స్థానంలో మహేష్ బాబు, ఎనిమిదవ స్థానంలో సూర్య, తొమ్మిదో స్థానంలో రామ్ చరణ్, పదో స్థానంలో సల్మాన్ ఖాన్ ఉన్నారు.

ఇక హీరోయిన్ల లిస్ట్‌లో గత నెలలో టాప్‌లో ఉన్న సమంత.. అక్టోబర్‌లోనూ అదే ప్లేస్‌లో నిలిచిన వరుసగా రెండు నెలల పాటు పాపులర్ హీరోయిన్‌గా కొనసాగుతూ రికార్డు సృష్టించారు. ఇటీవల సమంత సిటాడెల్: హనీబన్ని వెబ్ సిరీస్ ప్రమోషన్స్‌తో బిజీగా ఉండడం, ఆ సిరీస్‌కు సంబంధించిన ఇంటర్వ్యూలు చేయడం, విషయాలను పంచుకోవడం సమంతకు ప్రజాదారణ తీసుకొచ్చాయి. రెండవ స్థానంలో అలియా భట్ నిలిచారు. ఆమె జిగ్రా చిత్రంలో ప్రేక్షకులను ఆకట్టుకున్నారు. టాప్ 3లో నయనతార ఉండగా.. నాల్గో స్థానంలో దీపికా పదుకొణె, ఐదో స్థానంలో త్రిష, ఆరో స్థానంలో కాజల్ అగర్వాల్, ఏడో స్థానంలో శ్రద్ధా కపూర్, ఎనిమిదవ స్థానంలో సాయిపల్లవి, తొమ్మిదో స్థానంలో రష్మిక, పదో స్థానంలో కత్రినా కైఫ్ ఉన్నారు.