లైవ్‌లో దెయ్యాన్నిచూశారా? కాజల్ చూపిస్తోంది.. లైవ్ టెలికాస్ట్ ట్రైలర్ రిలీజ్

కాజల్ అగర్వాల్ ప్రస్తుతం కమిటైన సినిమాల షూటింగ్స్ పూర్తిచేసే పనిలో ఉంది. ఈ క్రమంలోనే కాజల్ నటిచించి వెబ్ సిరీస్ 'లైవ్ టెలికాస్ట్' విడుదలకు సిద్ధమైంది. హారర్ నేపథ్యంలో రూపొందిన ఈ వెబ్ సిరీస్ ట్రైలర్ రిలీజ్ చేశారు మేకర్స్. తమిళ దర్శకుడు వెంకట్ ప్రభు దర్శకత్వంలో రూపొందుతుంది. ఫిబ్రవరి 12వ తేదీన డిస్నీ హాట్‌స్టార్‌లో అన్ని భాషల్లో ఈ వెబ్ సిరీస్ విడుదల కానుంది.

ఈ వెబ్ సీరీస్ థ్రిల్లింగ్ కథగా ప్రేక్షకుల ముందుకు రానున్నట్టు క్లియర్‌గా అర్థమవుతోంది. లైవ్‌లో దెయ్యాన్ని చూపించాలనే వినూత్న ఆలోచన చేసి ఓ ఇంటికి వెళ్లిన కాజల్ బృందం ఎలాంటి అనుభవాలు ఎదుర్కొంది? నిజంగా వాళ్లకు దెయ్యం కనపడిందా? ఆ తర్వాత వాళ్లు ఎదుర్కొన్న ఇబ్బందులేంటి? అనే విషయాలను తెలియపర్చుతూ ట్రైలర్ విడుదల చేశారు.

ఈ మూవీలో కాజల్ టీవీ రిపోర్టర్‌గా కనిపించనుంది. సెన్సేషనలిజం కోసం దెయ్యాలను లైవ్‌లో కవర్ చేసి చూపిస్తామని కాజల్ చేసిన ప్రయత్నమే ఈ 'లైవ్ టెలికాస్ట్'. ఇక కేవలం ఒక నిమిషం 19 సెకనుల నిడివితో కట్ చేయబడిన ఈ ట్రైలర్.. ఆధ్యంతం ఉత్కంఠ భరితంగా సాగుతోంది. ఈ వెబ్ సిరీస్‌లో వైభవ్‌, ఆనంది కీలక పాత్రలు పోషించారు. కాజల్ అగర్వాల్ ఇటీవలే తన ప్రియుడు గౌతమ్ కిచ్లూని పెళ్లాడి హనీమూన్ ట్రిప్ ఎంజాయ్ చేసి వచ్చిన సంగతి తెలిసిందే.