Movies: దీపావళికి వినోదాల వెలుగులు.. ఈ వీకెండ్ సందడి చేయనున్న సినిమాలు, సిరీస్‌లు..
OTT, Theatres movie releases this week: తాజాగా దీపావళి పండుగను పురస్కరించుకొని ప్రేక్షకులను అలరించేందుకు సినిమాలు, వెబ్ సిరీస్‌లు సిద్ధంగా ఉన్నాయి.
OTT, Theatres movie releases this week
పండగ వచ్చిందంటే షాపింగ్‌కు ఎంత ప్రాముఖ్యత ఉంటుందో వినోదానికి కూడా అంతే ప్రాముఖ్యత ఉంటుందని ప్రత్యేకంగా చెప్పాల్సిన పనిలేదు. పండుగ సీజన్‌లో మూవీస్‌ను విడుదల చేయడం టాలీవుడ్‌లో ఎప్పటి నుంచో వస్తోన్న ఓ ఆచారం. ఈ నేపథ్యంలోనే తాజాగా దీపావళి పండుగను పురస్కరించుకొని ప్రేక్షకులను అలరించేందుకు సినిమాలు, వెబ్ సిరీస్‌లు సిద్ధంగా ఉన్నాయి. అవేంటో ఓసారి చూసేయండి..
థియేటర్లలో సందడి చేయనున్న చిత్రలివే..
లక్కీ భాస్కర్‌..
ఈ వారం ఎక్కువ క్యూరియాసిటీ ఉన్న చిత్రాల్లో లక్కీ భాస్కర్‌ మొదటి స్థానంలో ఉంటుందని చెప్పాలి. ఈ నెల 31వ తేదీన ఈ చిత్రాన్ని విడుదల చేయనున్నారు. దుల్కర్‌ సల్మన్‌ హీరోగా మీనాక్షీ చౌదరి హీరోయిన్‌గా తెరకెక్కిన ఈ సినిమాపై భారీ అంచనాలు ఉన్నాయి. ఒక రూ. 6 వేల జీతం వచ్చే సాధారణ ఉద్యోగి కోటీశ్వరుడు ఎలా అయ్యాడు.? ఈ క్రమంలో ఆయన ఎలాంటి కష్టాలు ఎదుర్కొన్నాడు లాంటి అంశాలను ఇందులో చూపించనున్నారు.
అమరన్..
ఈవారం సందడి చేయడానికి సిద్ధమవుతోన్న మరో చిత్రం అమరన్. ఉగ్రవాదుల దాడిలో అమరుడైన మేజర్‌ ముకుంద్‌ వరదరాజన్‌ జీవితం ఆధారంగా ఈ చిత్రాన్ని తెరకెక్కించారు. కమల్‌ హాసన్‌ నిర్మించిన ఈ చిత్రంపై భారీగా అంచనాలు ఉన్నాయి. సుమారు రూ. 150 కోట్ల బడ్జెట్‌తో తెరకెక్కిన ఈ సినిమాను ఈ నెల 31వ తేదీన విడుదల చేయనున్నారు.
'క'..
ప్రేక్షకులను అలరించేందుకు వస్తోన్న మరో ఇంట్రెస్టింగ్ మూవీ 'క'. కిరణ్‌ అబ్బవరం హీరోగా తెరకెక్కిన ఈ సినిమా టైటిల్‌తోనే అంచనాలు పెంచేసింది. ఇప్పటి వరకూ చూడని లుక్‌లో కిరణ్‌ ఇందులో కనిపించనున్నారు. ఈ నెల 31న సినిమా రిలీజ్ కానుంది.
బఘీర..
కేజీఎఫ్‌, సలార్‌ వంటి చిత్రాలతో దేశవ్యాప్తంగా క్రేజ్‌ సంపాదించుకున్న ప్రశాంత్‌ నీల్ కథ అందించిన చిత్రం.. బఘీర ఈ వారం ప్రేక్షకులను అలరించేందుకు సిద్ధమవుతోంది. సూపర్‌మ్యాన్‌ తరహా శక్తులేవీ లేకుండానే సూపర్‌హీరో అనిపించుకున్న ఓ వ్యక్తి కథతో రూపొందిన చిత్రం ఇది. ఈ నెల 31వ తేదీన విడుదల చేయనున్నారు.
ఓటీటీలో వచ్చే సినిమాలు/వెబ్ సిరీస్‌లు..
* లవ్‌ మాక్‌టైల్‌ సీజన్‌ 2 (తెలుగు వెబ్‌సిరీస్‌) అక్టోబరు 31వ తేదీ నుంచి ఈటీవీ విన్‌ యాప్‌లో స్ట్రీమింగ్ కానుంది.
* టైమ్‌ కట్‌ (హాలీవుడ్‌) అక్టోబరు 30వ తేదీ నుంచి, మర్డర్‌ మైండ్‌ఫుల్లీ (హాలీవుడ్‌): అక్టోబరు 31వ తేదీ నుంచి, ది డిప్లోమ్యాట్‌ సీజన్‌ 2 (హాలీవుడ్‌ వెబ్‌సిరీస్‌): అక్టోబరు 31వ తేదీ నుంచి నెట్‌ఫ్లిక్స్‌ వేదికగా స్ట్రీమింగ్ కానుంది.
* మిథ్య (వెబ్‌సిరీస్‌.. తెలుగులోనూ): నవంబరు 1వ తేదీ నుంచి జీ5 వేదికగా స్ట్రీమింగ్ మొదలు కానుంది.