కమెడియన్స్ హీరోలుగా మారడం కొత్తేమి కాదు. అలా అని వింతేమి కాదు. రాజబాబు నుంచి నిన్న వచ్చిన సుడిగాలి సుధీర్ వరకు అందరు కమెడియన్స్ హీరోగా చేసినవారే.. ఇప్పుడు ఈ లిస్టు లోకి మరో కమెడియన్‌ చేరిపోయాడు. విజేత, పేపర్‌ బాయ్‌, మజిలీ, డియర్‌ కామ్రేడ్‌, ప్రతిరోజూ పండగే సినిమాల్లో నటించి మంచి కమెడియన్‌ గా పేరు తెచ్చుకున్న సుహాస్‌ ఇప్పుడు హీరోగా ఓ సినిమాని చేయబోతున్నాడు.
తాజాగా సినిమా కూడా ప్రారంభమైంది. కలర్‌ ఫోటో అనే పేరుతో తెరకెక్కుతున్న ఈ సినిమాలో నటుడు సందీప్‌ రాజ్‌ దర్శకుడిగా పరిచయం అవుతున్నాడు. ఈ సినిమాను హృదయ కాలేయం ఫేం స్టీవెన్‌ శంకర్‌, లౌక్యా ఎంటర్‌టైన్మెంట్స్‌తో కలిసి నిర్మిస్తున్నాడు. దీనితో ఈ సినిమాపైన మంచి అంచనాలు నెలకొన్నాయి. ఈ రోజు షూటింగ్ ప్రారంభమవుతున్న సందర్భంగా సినిమాకి సంబంధించిన ఫస్ట్‌ లుక్‌ పోస్టర్‌ను హీరో నాని చేతుల మీదుగా రిలీజ్‌ చేశారు.
ఇందులో హీరోయిన్ గా షార్ట్ ఫిలిం ఫేం ఛాందిని చౌదరి నటిస్తుంది. అంతేకాకుండా ఈ సినిమాలో సీనియర్‌ కమెడియన్‌ సునీల్ విలన్‌గా నటిస్తుండటం విశేషం. దర్శకుడు సందీప్‌ రాజ్‌ కూడా కీలక పాత్రలో కనిపించనున్నాడు. ఈ సినిమాకు కీరవాణి తనయుడు కాళ భైరవ సంగీత దర్శకత్వం వహిస్తున్నాడు.
Sunil, suhas, Sandeep Raj, Nani, hero nani, Comedian Suhas, colour photo, Chandini ChowdaryVery happy to announce this charming film #ColourPhoto . With this extremely talented gang working on it am so looking forward to this one . I know the boys will rock already 😊@MasalaSundeep @ActorSuhas @kaalabhairava7 @iChandiniC @Mee_Sunil @sairazesh, @benny_muppaneni pic.twitter.com/lqEDXHHUpa
— Nani (@NameisNani) December 29, 2019