Chiranjeevi: సినీ కార్మికులకు సొంతిల్లు ఉండటం ఎంతో అవసరమన్న చిరంజీవి

Chiranjeevi: సినీ కార్మికులకు తమకంటూ సొంతిల్లు ఉండటం ఎంతో అవసరమన్నారు మెగాస్టార్ చిరంజీవి. నటుడు ప్రభాకర్ రెడ్డి దూరదృష్టి ఎంతో గొప్పదని ఆయన కొనియాడారు. హైదరాబాద్ చిత్రపురి కాలనీలో సినీ కార్మికుల కోసం నిర్మించిన నూతన గృహ సముదాయ ప్రారంభోత్సవం ఇవాళ జరిగింది. ఈ సందర్భంగా లబ్ధిదారులకు ఇళ్లను అందజేశారు. ఈ ఇళ్ల నిర్మాణంలో దివంగత దర్శక, నిర్మాత దాసరి నారాయణరావు, ప్రముఖ దర్శకుడు కే.రాఘవేంద్రరావు కృషి మరువలేనిదన్నారు చిరంజీవి. దేశంలో ఎక్కడా ఇటువంటి గృహ సముదాయం లేదని ఆయన చెప్పుకొచ్చారు. సినీ కార్మికులకు ఎప్పుడు, ఏ సాయం కావాలన్నా మద్దతిచ్చేందుకు తాను సిద్ధమని చిరంజీవి భరోసా ఇచ్చారు.