ముంబై డ్రగ్స్‌ కేసులో ఆర్యన్‌ చుట్టూ బిగుస్తున్న ఉచ్చు.. 14 రోజుల కస్టడీ..

Aryan Khan: బాలీవుడ్ డ్రగ్స్ డర్టీ పిక్చర్‌లో షారుఖ్ తనయుడి చుట్టూ ఉచ్చు మరింత బిగుస్తోంది. మరోసారి ముంబై కోర్టు ఆర్యన్ బెయిల్ పిటిషన్‌ను తిరస్కరించింది. దానితోపాటు ఆర్యన్‌ కస్టడీని 14 రోజులకు పొడిగించింది. అంతేకాకుండా ఈ కేసును ఇకపై ప్రత్యేక ఎన్‌డీపీఎస్ కోర్టు విచారించనున్నట్లు కోర్టు తెలిపింది.

ఇదే సమయంలో ఎన్సీబీ అధికారులు క్రూయిజ్ షిప్ కంపెనీ కార్డెలియా క్రూయిజెస్ సీఈవోకు సమన్లు జారీ చేశారు. ఈ కేసు విచారణలో సహకరించాలని కోరారు. అలాగే, ముంబై నుంచి గోవాకు వెళుతున్న ప్రయాణికుల వివరాలను రాబట్టేందుకు ఎన్సీబీ అధికారులు ప్రయత్నిస్తున్నారు. ఇదే సమయంలో డ్రగ్స్ పార్టీకి సంబంధించిన ఆధారాల కోసం క్రూయిజ్‌లోని సీసీ ఫుటేజ్‌ని అధికారులు పరిశీలిస్తున్నారు.