Tollywood: ఈ అందాల చందమామ ఇప్పుడెలా ఉందో తెలుసా.? షాక్‌ అవ్వాల్సిందే..!

Sindhu Menon: చందమామ సినిమా అనగానే కాజల్‌తో పాటు సింధు మీనన్‌ అనే మరో హీరోయిన్‌ ఠక్కును గుర్తొస్తుంది. ఈ సినిమాలో తన అందంతో కుర్రకారు హృదయాలను కొల్లగొట్టిందీ చిన్ని. ఇక భద్రాచలం సినిమాలో కూడా నటించి మెప్పించింది. అదే విధంగా త్రినేత్రం మూవీలో దయ్యం పాత్రలో నటించి భయపెట్టింది. ఇలా టాలీవుడ్ ప్రేక్షకులకు ఎంతగానో చేరువైన ఈ బ్యూటీ ఆ తర్వాత కొద్ది కాలంలోనే ఇండస్ట్రీకి దూరమైంది. క్రమంగా సినిమాల్లో నటించడం మానేసింది. ఇంతకీ సింధు మీనన్‌ ప్రస్తుతం ఏం చేస్తోంది.? ఎక్కడ ఉంటోంది లాంటి వివరాలు ఇప్పుడు తెలుసుకుందాం.

చూడ్డానికి అచ్చంగా తెలుగింటి అమ్మాయిలా కనిపించే సింధు మీనన్‌ నిజానికి కన్నడ ఇండస్ట్రీ ద్వారా వెండి తెరకు పరిచయమైంది. 1994లో వచ్చిన రష్మి అనే కన్నడ సినిమాలో చైల్డ్ ఆర్టిస్టుగా వెండి తెర ఎంట్రీ ఇచ్చింది. ఆ తర్వాత భద్రాచలం సినిమాతో ఈ బ్యూటీ తెలుగులోకి ఎంట్రీ ఇచ్చింది. త్రినేత్రంతో పాటు మరికొన్ని చిత్రాల్లో నటించిన ఈ బ్యూటీ ఆ తర్వాత కొన్ని రోజులు గ్యాప్ ఇచ్చి.. మళ్లీ కృష్ణవంశీ దర్శకత్వంలో వచ్చిన చందమామ సినిమాతో ప్రేక్షకులను ఆకట్టుకుంది.

ఇక ఆది పినిశెట్టి హీరోగా నటించిన వైశాలి మూవీలో తన అద్భుత నటనతో మెస్మరైజ్‌ చేసింది. ఇలా తెలుగుతో పాటు పలు భాషల్లో నటించిన సింధు.. సుమారు 40 వరకు సినిమాల్లో నటించింది. సినిమాలతో పాటు సీరియల్స్‌ కూడా నటించిన ఈ బ్యూటీ 2010లో డామినిక్ ప్రభు అనే సాఫ్ట్‌వేర్ ఉద్యోగిని వివాహం చేసుకుంది. ప్రస్తుతం సింధుకు కుమారులు, ఒక కూతురు ఉన్నారు. ప్రస్తుతం అమెరికాలో జీవనం సాగిస్తోంది. అయితే ఇప్పటికీ సోషల్‌ మీడియాలో యాక్టివ్‌గానే ఉంటుంది. తన లేటెస్ట్ ఫొటోలను, కుటుంబ సభ్యుల చిత్రాలను ఎప్పటికప్పుడు అభిమాలనుతో పంచుకుంటోంది.