Sarkaru Vaari Paata: ఎడారిలో యాక్షన్ సీన్స్‌.. సినిమాకే హైలెట్!

Sarkaru Vaari Paata: 'సర్కారు వారి పాట' మూవీ యూనిట్ ఇప్పటికే ఫిబ్రవరిలో నెల రోజుల షూటింగ్ షెడ్యూల్ ను దుబాయ్‌లో పూర్తి చేసిన సంగతి మనకు తెలిసిందే.

దుబాయ్ షెడ్యూల్ సమయంలో మహేష్ బాబు ఆన్ లోకేషన్ ఫొటోలు నెట్టింట్లో హల్ చల్ చేశాయి. ఈ ఫొటోలలో స్టైలిష్ కార్లు, ఫైట్ మాస్టర్లు, ఆయుధాలతో ఎడారిలో షూటింగ్ చేస్తున్నట్లు తెలుస్తోంది. ఈ సినిమాలో కొన్ని హై వోల్టేజ్ యాక్షన్ సన్నివేశాలు ఉండబోతున్నాయని వార్తలు వినిపిస్తున్నాయి. ఈ ఫొటోలు సినిమాపై అంచనాలను భారీగా పెంచుతున్నాయి. ఎడారిలో ఫైట్ సీక్వెన్స్ ఉండబోతున్నట్లు ఫొటోలను చూస్తే అర్థమవుతోంది. ఇది ఖచ్చితంగా ఈ చిత్రానికి హైలైట్ అవుతుందని ఫ్యాన్స్ నెట్టింట్లో తెగ కామెంట్లు చేస్తున్నారు.

'సర్కారు వారి పాట' తదుపరి షూటింగ్ షెడ్యూల్ జూన్‌లో మొదలుకానుంది. అప్పటికి కరోనా సెకండ్ వేవ్ ప్రభావంపైనే ఈ సినిమా షూటింగ్ ఆధారపడి ఉంటుంది.