Liver Health: ఆకలి లేకపోవడం, కడుపు ఉబ్బరం..ఈ లక్షణాలు కనిపిస్తే..మీ లివర్ సమస్యలో ఉన్నట్లే
Liver Health: కడుపు ఉబ్బరం, ఆకలి మందగించడం వల్ల కాలేయ వ్యాధి వచ్చే అవకాశం ఉందని నిపుణులు చెబుతున్నారు. ఈ లక్షణాలను చాలా మంది ప్రజలు తీవ్రంగా పరిగణించనప్పటికీ, భవిష్యత్తులో తీవ్ర సమస్యలను ఎదుర్కొక తప్పదని వైద్య నిపుణులు హెచ్చరిస్తున్నారు.
Liver Health: ఆకలి లేకపోవడం, కడుపు ఉబ్బరం..ఈ లక్షణాలు కనిపిస్తే..మీ లివర్ సమస్యలో ఉన్నట్లే
Liver Health:కడుపు ఉబ్బరం, ఆకలి మందగించడం వల్ల కాలేయ వ్యాధి వచ్చే అవకాశం ఉందని నిపుణులు చెబుతున్నారు. ఈ లక్షణాలను చాలా మంది ప్రజలు తీవ్రంగా పరిగణించనప్పటికీ, భవిష్యత్తులో తీవ్ర సమస్యలను ఎదుర్కొక తప్పదని వైద్య నిపుణులు హెచ్చరిస్తున్నారు. మణిపాల్ ఆసుపత్రికి చెందిన సర్జన్ డాక్టర్ పంకజ్ గుప్తా మాట్లాడుతూ, ఆకలి లేకపోవడం మొదలైనవి శరీరంలోని జీవక్రియలో ముఖ్యమైన పాత్ర పోషించే కాలేయ రుగ్మతలకు సూచనగా చెప్పవచ్చు అని తెలపారు.
మనం తినే ఆహారం నుండి పోషకాలను గ్రహించడం, కొవ్వును కరిగించడానికి పిత్తాన్ని ఉత్పత్తి చేయడం, రక్తం నుండి విషాన్ని తొలగించడం కాలేయం బాధ్యత. డాక్టర్ పంకజ్ గుప్తా తెలిపిన ప్రకారం, కాలేయం ఈ విధులను సరిగ్గా నిర్వహించలేనప్పుడు..ఆకలిని కోల్పోవడం, అపానవాయువు వంటి వివిధ జీర్ణ సమస్యలు సంభవిస్తాయి. ఇది హెపటైటిస్, సిర్రోసిస్, ఫ్యాటీ లివర్, లివర్ క్యాన్సర్‌ వంటి వ్యాధుల లక్షణమని వివరించారు.
ఆకలి లేకపోవడానికి ప్రధాన కారణాలు:
1) వాపు లేదా ఇన్ఫెక్షన్:
కాలేయంలో ఇన్ఫెక్షన్, వాపు హెపటైటిస్ వంటి పరిస్థితులకు దారితీయవచ్చు. ఇది వాంతులు,ఆకలిని కలిగిస్తుంది.
2) పైత్య ఉత్పత్తి:
జీర్ణక్రియ ప్రక్రియకు అవసరమైన పిత్తం ఉత్పత్తి తగ్గడం, కొవ్వుల జీర్ణక్రియకు ఆటంకం కలిగిస్తుంది. ఇది ఆకలిని తగ్గిస్తుంది.
3) కాలేయ వ్యాధి వల్ల కలిగే జీవక్రియ సమస్యలు పోషకాలను గ్రహించే శరీర సామర్థ్యానికి ఆటంకం కలిగిస్తాయి. తద్వారా ఆకలి తగ్గుతుంది.
ఉబ్బరం కారణాలు:
1) అసిటిస్:
పొత్తికడుపులో ద్రవం చేరడం సిర్రోసిస్ యొక్క ప్రధాన లక్షణాలలో ఒకటి. ఇది ఉబ్బరం కలిగిస్తుంది.
2) గ్యాస్ట్రోఇంటెస్టినల్ స్లోడౌన్:
కాలేయం దెబ్బతింటే, జీర్ణక్రియ వేగం మందగిస్తుంది. తద్వారా మంట వస్తుంది.
3) ప్రోటీన్ జీవక్రియ:
ప్రోటాన్ల విచ్ఛిన్నం బలహీనమైతే, అది రక్తంలో ప్రోటీన్ సమతుల్యతను ప్రభావితం చేస్తుంది.
ఒక వ్యక్తికి కడుపు ఉబ్బరం, ఆకలి తగ్గినట్లయితే వీలైనంత త్వరగా చికిత్స తీసుకోవాలి. ముఖ్యంగా, కామెర్లు, అలసట, వేగంగా బరువు తగ్గడం కాలేయ వ్యాధికి సంకేతాలు కావచ్చు. ఈ పరిస్థితులను విస్మరించకూడదని వైద్యులు సూచిస్తున్నారు.
ఈ లక్షణాలను గుర్తించినట్లయితే..సకాలంలో వైద్య సలహా, చికిత్స పొందడం సాధ్యమవుతుంది. లివర్ ట్రాన్స్‌ప్లాంటేషన్, హెపాటిక్ రిసెక్షన్, షంట్ ప్రొసీజర్స్, హెపాటోబిలియరీ సర్జరీ, పోర్టల్ హైపర్‌టెన్షన్ సర్జరీ వంటి కొన్ని చికిత్సా పద్ధతులు ఉన్నాయి.సమతులాహారం తీసుకోవడం, క్రమం తప్పకుండా వ్యాయామం చేయడం, అతిగా మద్యం సేవించడం వంటివి చేయడం ద్వారా కాలేయ వ్యాధులను కొంత వరకు నివారించవచ్చు. ఏదైనా ఇబ్బందులు ఎదురైనప్పుడు వెంటనే వైద్య సహాయం తీసుకోవడం కూడా చాలా ముఖ్యం.