TSNPDCL Recruitment 2023: నిరుద్యోగులకి అలర్ట్‌.. టీఎస్‌ ఎన్‌పీడీసీఎల్‌లో జూనియర్‌ అసిస్టెంట్‌ ఉద్యోగాలు..!

TSNPDCL Recruitment 2023: టీఎస్‌పీఎస్సీ ప్రశ్న పత్రాల లీకేజి వ్యవహారం, టీఎస్‌ఎల్పీఆర్బీ మెయిన్స్‌ పరీక్షల మధ్య తెలంగాణ నుంచి మరో నోటిఫికేషన్ వెలువడింది. టీఎస్‌ ఎన్‌పీడీసీఎల్‌ (నార్తర్న్ పవర్ డిస్ట్రిబ్యూషన్ కంపెనీ ఆఫ్ తెలంగాణ లిమిటెడ్ ) 100 జూనియర్‌ అసిస్టెంట్‌, కంప్యూటర్‌ ఆపరేటర్ల ఉద్యోగాల భర్తీ చేపట్టింది. దీని హెడ్‌ ఆఫీసు హన్మకొండలో ఉంది. రెగ్యులర్ ప్రాతిపదికన ఈ ఉద్యోగాల నియామకం ఉంటుంది. ఈ నోటిఫికేషన్‌ గురించి మరిన్ని వివరాలు తెలుసుకుందాం.

ఈ ఉద్యోగాల కోసం ద‌ర‌ఖాస్తు చేసుకునే అభ్య‌ర్థులు గుర్తింపు పొందిన యూనివర్సిటీ నుంచి ఏదైనా డిగ్రీ ఉత్తీర్ణ‌త సాధించి ఉండాలి. అలాగే ఏదైనా సబ్జెక్ట్‌గా కంప్యూటర్‌ చదివి ఉండాలి. లేదంటే విడిగా కంప్యూటర్‌ కోర్సు చేసి ఉండాలి. రాత పరీక్ష, డాక్యుమెంట్ వెరిఫికేషన్ ద్వారా అభ్య‌ర్థుల ఎంపిక ఉంటుంది. మొత్తం 100 పోస్టులని భర్తీ చేయనున్నారు. అభ్యర్థులు సంస్థ వెబ్‌సైట్‌ Tsnpdcl.cgg.gov.in సందర్శించి నోటిఫికేషన్‌ గురించి మరింత సమాచారం తెలుసుకోవచ్చు.

18 నుంచి 44 సంవత్సరాల మధ్య ఉన్న వ్యక్లులు ఈ ఉద్యోగాల కోసం అప్లై చేసుకోవచ్చు. అలాగే రిజర్వ్‌డ్‌ కేటగిరీలకి వయసు సడలింపు ఉంటుంది. ఏప్రిల్ 10 నుంచి దరఖాస్తులు ప్రారంభమవుతాయి. చివరితేదీ ఏప్రిల్‌ 29గా నిర్ణయించారు. మే 22 నుంచి హాల్‌టికెట్లు డౌన్‌లోడ్‌ చేసుకోవచ్చు. మే 28న తుది రాత పరీక్ష ఉంటుంది.

మొత్తం పోస్టులు : 100

పోస్టులు : జూనియర్ అసిస్టెంట్, కంప్యూటర్ ఆపరేటర్

విద్యుత్‌ సర్కిళ్లు: వరంగల్‌, కరీంనగర్‌, ఖమ్మం, నిజామాబాద్‌, ఆదిలాబాద్‌.

అర్హతలు : గుర్తింపు పొందిన యూనివర్సిటీ నుంచి ఏదైనా డిగ్రీ

ఎంపిక : రాత పరీక్ష, డాక్యుమెంట్ వెరిఫికేషన్ ద్వారా ఉంటుంది.