పోలీస్‌ ఉద్యోగాల దరఖాస్తు గడువు పొడిగింపు.. లాస్ట్‌ డేట్‌ ఎప్పుడంటే..

TS Police Recruitment 2022: తెలంగాణలో పోలీసు ఉద్యోగ నియామకాల్లో అభ్యర్థుల వయోపరిమితిని మరో 2 సంవత్సరాలు పొడిగిస్తూ ముఖ్యమంత్రి కేసీఆర్‌ నిర్ణయం తీసుకున్న విషయం తెలిసిందే. పోలీస్‌ ఉద్యోగాల దరఖాస్తు అభ్యర్థుల కోసం మరో ప్రకటన చేసింది పోలీస్‌ రిక్రూట్‌మెంట్‌ బోర్డు. దరఖాస్తు గడువును పెంచుతున్నట్లు ప్రకటించింది. ఇవాళ్టితో గడువు ముగియాల్సి ఉండగా.. ఇప్పుడు ఈ నెల(మే) 26వ తేదీ వరకు తుది గడువు ఉంటుందని తెలిపింది. కాగా, వయోపరిమితి పెంచడంతో మరికొంత మంది అభ్యర్థులు దరఖాస్తు చేసుకునేందుకు అవకాశం ఉన్నందున దరఖాస్తు గడువును ఈనెల 26 వరకు పొడిగించినట్లు పోలీసు నియామక మండలి వెల్లడించింది.