తెలంగాణలో కొలువుల జాతర.. మరో నోటిఫికేషన్‌ విడుదల..

TS govt Jobs 2022: రాష్ట్రంలోని నిరుద్యోగులకు కేసీఆర్ సర్కార్ మరో శుభవార్త తెలిపింది. ఇప్పటికే కానిస్టేబుల్, ఎస్ఐ ఉద్యోగాల భ‌ర్తీకి.. గ్రూప్ -1 పోస్టుల భ‌ర్తీకి నోటిఫికేష‌న్ విడుదల చేసిన తెలంగాణ ప్ర‌భుత్వం తాజాగా ఎక్సైజ్, ర‌వాణా శాఖ‌లో ఉద్యోగాల భ‌ర్తీకి నోటిఫికేష‌న్ విడుదల చేసింది. తాజాగా ఎక్సైజ్, ర‌వాణా శాఖ‌లో 677 ఉద్యోగాల భ‌ర్తీకి నోటిఫికేష‌న్ వెలువ‌డింది.

ట్రాన్స్‌పోర్ట్ కానిస్టేబుల్(హెచ్‌వో) 6 పోస్టులు, ట్రాన్స్‌పోర్టు కానిస్టేబుల్‌(ఎల్‌సీ) 57 పోస్టులు, ప్రొహిబిష‌న్ అండ్ ఎక్సైజ్ కానిస్టేబుల్ పోస్టుల 614కు నోటిఫికేష‌న్ వెలువ‌డింది. అర్హులైన అభ్య‌ర్థుల నుంచి మే 2 నుంచి 20వ తేదీ వ‌ర‌కు ఆన్‌లైన్‌లో ద‌ర‌ఖాస్తుల‌ను స్వీక‌రించ‌నున్నారు. త‌దిత‌ర వివ‌రాల కోసం www.tslprb.in వెబ్‌సైట్‌ను సంప్ర‌దించొచ్చు.