TET Exam: తెలంగాణలో ఇవాళ టెట్ పరీక్ష

TET Exam: తెలంగాణలో ఇవాళ ఉపాధ్యాయ అర్హత పరీక్షను నిర్వహించనున్నారు. టెట్ రాసేందుకు 3,80,589 మంది అభ్యర్థులు దరఖాస్తు చేసుకున్నారు. మొత్తం రాష్ట్ర వ్యాప్తంగా 2,683 కేంద్రాలను ఏర్పాటు చేశారు. రెండు సెషన్స్‌లో పరీక్షలు నిర్వహించనున్నారు. ఉదయం 9.30 - మధ్యాహ్నం 12 గంటల వరకు పేపర్-1 పరీక్ష నిర్వహించనున్నారు. ఇక మధ్యాహ్నం 2.30 - సాయంత్రం 5 గంటల వరకు పేపర్-2 నిర్వహించనున్నారు.

అభ్యర్థులు నిమిషం ఆలస్యమైనా పరీక్ష కేంద్రాలకు అనుమతి ఇవ్వమని అధికారులు వెల్లడించారు. అభ్యర్థులు గంట ముందే పరీక్షా కేంద్రానికి రావాలని సూచించారు. టెట్‌ అభ్యర్థుల కోసం ఆర్టీసీ స్పెషల్ సర్వీసులు నడుపుతోంది.