Rozgar Mela: నిరుద్యోగ యువతకు కేంద్రం గుడ్‎న్యూస్.. 10లక్షల ఉద్యోగాల భర్తీకి గ్రీన్ సిగ్నల్

Rozgar Mela: దేశంలోని యువతకు కేంద్ర ప్రభుత్వం శుభవార్త చెప్పింది. 10 లక్షల ఉద్యోగాల భర్తీకి నియామక ప్రక్రియను ప్రధాని మోడీ వర్చువల్ విధానంలో లాంచనంగా ప్రారంభించారు. రోజ్‌గార్ మేళాలో భాగంగా కేంద్ర మంత్రిత్వ శాఖల పరిధిలో గెజిటెడ్, నాన్ గెజిటెడ్, సబార్డినేట్ స్థాయి ఉద్యోగాలను భర్తీ చేయనున్నారు. మొదటి దశలో కేంద్ర మంత్రిత్వ శాఖలు, డిపార్ట్‌మెంట్లు దేశవ్యాప్తంగా వివిధ ప్రాంతాల్లో రోజ్‌గార్ మేళాలో ఎంపికైన 75 వేల మందికి నియామక పత్రాలను కేంద్ర మంత్రులు అందజేస్తారు. ఈ మేళాలో నియమితులైనవారు గ్రూప్-ఏ, గ్రూప్-బీ గెజిటెడ్, నాన్ గెజిటెడ్, గ్రూప్-సీ స్థాయి ఉద్యోగాల్లో చేరుతారని ప్రధాన మంత్రి కార్యాలయం తెలిపింది.