హైదరాబాద్‌లో ఓ లారీ బీభత్సం సృష్టించింది. అతివేగంగా వెళుతున్న లారీ అదుపు తప్పి ప్రయివేట్ స్కూల్ బాస్ పైకి దూసుకు పోయింది. దాంతో ప్రమాదం చోటుచేసుకుంది. రాయదుర్గం పోలీస్‌స్టేషన్‌ పరిధిలోని ఖాజాగూడ చౌరస్తాలో ఈ ఘటన చోటు చేసుకుంది. ఇటుక లోడ్‌తో వెళ్తున్న లారీ ఒక్కసారిగా అదుపు తప్పి ఓ ప్రైవేటు స్కూల్ బస్‌ను ఢీ కొట్టింది. అయితే ఆ సమయంలో బస్‌లో విద్యార్థులు లేకపోవడంతో భారీ ప్రమాదం తప్పింది. అతివేగంతో దూసుకురావడంతో బస్సును ఢీకొని తరువాత లారీ టైరు పక్కనే ఉన్న నాలా గోడ పైకి ఎక్కింది. అయితే లారీ బ్రేకులు ఫేయిల్‌ కావడం వల్లే ప్రమాదం చోటు చేసుకుందని తెలుస్తోంది.