కల్కీపై ఎన్‌ఫోర్స్‌మెంట్‌ డైరెక్టరేట్‌ ఫోకస్‌..పూర్తి సమాచారంతో రంగంలోకి..
వివాదాస్పద ఆశ్రమ గురువు.. కల్కీపై ఎన్‌ఫోర్స్‌మెంట్‌ డైరెక్టరేట్‌ గురిపెట్టింది. మొన్నటి వరకు 4 రాష్ట్రాల పరిధిలోని కల్కీ ఆశ్రమాల్లో ఇన్‌కమ్‌ ట్యాక్స్‌ అధికారులు 5 రోజుల పాటు తనిఖీలు చేపట్టిన తర్వాత.. ఈడీ రంగంలోకి దిగింది. ఐటీ సోదాల్లో పెద్ద మొత్తంలో విదేశీ డబ్బు, బంగారం, డైమండ్స్‌ పట్టుబడ్డాయి. సుమారు 500 కోట్లకు పైగా ఆస్తులపై ఆరా తీసింది. అయితే ఈ దాడుల్లో హవాలాతో పాటు.. మనీ ల్యాండరింగ్‌కు కూడా పాల్పడినట్లు అధికారులు గుర్తించారు. దీంతో పూర్తి సమాచారంతో రంగంలోకి దిగిన ఈడీ కేసు నమోదు చేసింది. కల్కీతో పాటు.. ఆయన కుమారుడు కృష్ణా దాస్‌జీ పై కేసు నమోదు చేసింది.