మానవత్వానికి మాయని మచ్చలా .... మానవ సంబంధాలను మనుగడనే ప్రశ్నార్ధకం చేస్తున్నారు కామాంధులు. దారుణం ..అమానుషం ... అమానవీయమనే మాటలు .. కామాంధుల చేష్టల ముందు చిన్నబోతున్నాయి. జగిత్యాల జిల్లా పురానిపేట్‌లో 10వ తరగతి విద్యార్ధినిపై ... సొంత తాత తమ్ముడు అత్యాచారం చేశాడు. గత మూడు నెలలుగా అత్యాచారం చేస్తున్న కామాంధుడు బయట ఎవరికైనా చెబితే చంపేస్తానంటూ బెదిరించేవాడు. కస్తూర్భా గాంధీ విద్యాలయంలో చదువుతున్న బాలిక తీవ్ర అస్వస్ధతకు గురవడంతో ... స్కూల్ సిబ్బంది వైద్య పరీక్షలు నిర్వహించారు. గర్భవతిగా తేలడంతో ఈ విషయం వెలుగు చూసింది. బాలికపై అత్యాచారానికి పాల్పడిన కామాంధుడు గతంలో బాధ్యతాయుతమైన DHMగా విధులు నిర్వహించాడు. విషయం తెలిసిన వెంటనే కామాంధుడు పరారయ్యాడు.