ధ్యానంలో సన్యాసి.. చంపేసిన చిరుతలు..

మహారాష్ట్ర అడవిలో విషాదం చోటుచేసుకుంది.  ధ్యానంలో ఉన్న బౌద్ధ సన్యాసిని దారుణంగా  చంపేశాయి చిరుతపులి. ఈ ఘటన చంద్రాపూర్ జిల్లా రాండెగి ప్రాంతానికి అడవిలో జరిగింది. రాహుల్ వాల్కే (35) అనే సన్యాసి నిత్యం ధ్యానంలోనే గడిపేవారు. ఈ క్రమంలో రాండెగి సమీపంలోని అడవిలో చరిత్రాత్మక బౌద్ధ దేవాలయం పక్కన చెట్టు కింద ధ్యానం చేసుకుంటుంటారు. ఆయనకు ఇద్దరు శిష్యులు రోజు భోజనం తెచ్చేవారు. అయితే నెల రోజుల కిందట రాహుల్ వాల్కే కనిపించకుండా పోయారు. ఈ విషయంపై ఇద్దరు శిష్యులు పోలీసులకు సమాచారం ఫిర్యాదు చేశారు. తాడోబా అంధారి టైగర్ రిజర్వు డిప్యూటీ డైరెక్టర్ గజేంద్ర నార్వానె సహకారంతో పోలీసులు అడవిలో గాలింపు చర్యలు చేపట్టారు. అయితే గతంలోనే ఆ అడవిలో చిరుతలు సంచరిస్తున్నట్టు ఫారెస్ట్ అధికారులు హెచ్చరించారు. అయినా రాహుల్ వాల్కే వినకుండా అక్కడే ధ్యానంలో మునిగితేలాడు.  ఈ క్రమంలో చిరుతలే దాడి చేసి ఆయనను చంపేసి ఉంటాయని అధికారులు స్పష్టం చేశారు.