మనదేశంలోనే కాదు విదేశాల్లో సైతం హిదుత్వం పరిమళిస్తుంది. యునైటెడ్‌ అరబ్‌ ఎమిరేట్స్‌(యూఏఈ) రాజధాని అబుదాబిలో నిర్మించనున్న తొలి హిందూ దేవాలయానికి శనివారం అంకురార్పణ జరిగింది. అబుదాబిలో నివసిస్తున్న వేలాదిమంది భారతీయుల సమక్షంలో దేవాలయ నిర్మాణానికి శంకుస్థాపన జరిగింది. ఈ ఆలయాన్ని బోచసన్‌వాసి శ్రీ అక్షర్‌–పురుషోత్తమ్‌ స్వామినారాయణ్‌ సంస్థ (బీఏపీఎస్‌) అధిపతి మహాంత్‌ స్వామి మహారాజ్‌ నిర్మిస్తున్నారు. శనివారం ఆయనే గర్భగుడి నిర్మాణం కోసం పునాదిరాయి వేశారు. అబుదాబి–దుబాయ్‌ హైవేకు సమీపంలో 14 ఎకరాల్లో ఏడు అంతస్తులుగా ఈ ఆలయాన్ని నిర్మించనున్నారు. ఇందులో ఆర్ట్‌ గ్యాలరీ, గ్రంథాలయం, వ్యాయామశాల ఏర్పాటు చేయనున్నారు.