Maruti Milestone: మారుతి సరికొత్త రికార్డ్.. 20 లక్షల వాహనాలను ఉత్పత్తి చేసిన ఏకైక కంపెనీ..!

Maruti Milestone: మారుతి సుజు (Maruti Suzuki)కి ఈ సంవత్సరం మరో కొత్త మైలురాయిని నెలకొల్పింది. హర్యానాలోని మానేసర్ ప్లాంట్‌ (Manesar plant) తో కంపెనీ 2 మిలియన్ల అంటే 20 లక్షల యూనిట్ల ఉత్పత్తి మార్కును అధిగమించింది. ఇది 7-సీటర్ ఎర్టిగా యూనిట్‌తో ఈ అద్భుతమైన ఫీట్‌ని సాధించింది. క్యాలెండర్ ఇయర్‌లో 20 లక్షల వాహనాలను ఉత్పత్తి చేసిన దేశంలోనే తొలి కంపెనీగా కూడా కంపెనీ నిలిచింది. ఎర్టిగా, స్విఫ్ట్ గత నెలల్లో కంపెనీ  అత్యధికంగా అమ్ముడైన కార్లుగా ఉన్నాయి.

దాని ఉత్పత్తి డేటాకు సంబంధించి డిసెంబర్ 17న, కంపెనీ ఉత్పత్తి చేసిన 20 లక్షల వాహనాల్లో 60 శాతం హర్యానా, 40 శాతం గుజరాత్‌లో ఉత్పత్తి చేసిట్లు తెలిపింది. ఇందులో బాలెనో, ఫ్రంట్‌ఎక్స్, ఎర్టిగా, వ్యాగన్‌ఆర్, బ్రెజ్జా ఈ ఏడాది కంపెనీ తయారు చేసిన టాప్-5 వాహనాలుగా నిలిచాయి. మారుతీ సుజుకీ నవంబర్‌లో 1,81,531 యూనిట్ల విక్రయాల్లో ఏడాది ప్రాతిపదికన 10 శాతం వృద్ధిని సాధించింది.

హర్యానా, గుజరాత్‌లోని సౌకర్యాలు కలిపి 2.35 మిలియన్ యూనిట్ల ఉత్పత్తి సామర్థ్యాన్ని కలిగి ఉన్నాయి. భారతదేశం- ప్రపంచంలో పెరుగుతున్న డిమాండ్‌ను అంచనా వేస్తూ, మారుతి సామర్థ్యాన్ని 4 మిలియన్ (40 లక్షలు) యూనిట్లకు పెంచాలని యోచిస్తోంది. మారుతి సుజుకి 1 మిలియన్ (10 లక్షలు) యూనిట్ల వార్షిక సామర్థ్యంతో మరో గ్రీన్‌ఫీల్డ్ సౌకర్యాన్ని ప్లాన్ చేస్తోంది. దీని కోసం కంపెనీ లొకేషన్‌ను వెతుకుతోంది.

20 లక్షల ఉత్పత్తి మైలురాయి భారతదేశ తయారీ సామర్థ్యానికి, 'మేక్ ఇన్ ఇండియా' చొరవ పట్ల మా నిబద్ధతకు నిదర్శనమని మారుతీ సుజుకీ ఇండియా లిమిటెడ్ మేనేజింగ్ డైరెక్టర్ , సిఇఒ హిసాషి టేకుచి అన్నారు. ఈ విజయం మా సరఫరాదారులు , డీలర్‌ల పట్ల మా నిబద్ధతను ప్రతిబింబిస్తుంది, అలాగే ఆర్థిక వృద్ధిని పెంపొందించడం, దేశ నిర్మాణానికి మద్దతు ఇవ్వడం, భారతదేశ ఆటోమొబైల్ పరిశ్రమను స్వావలంబనగా, ప్రపంచవ్యాప్తంగా పోటీగా మార్చడం.