New year 2024: కొత్త ఏడాదిలో శని ఈ రాశుల వారికి శుభాలను అందిస్తుంది.. ఆ రాశులవారు ఎవరంటే..?

New year 2024: కొత్త ఏడాది మొదలైంది. ఈ సంవత్సరం శని ప్రభావం వల్ల కొన్ని రాశులవారికి శుభాలు కలుగనున్నాయి. అన్ని గ్రహాలలో శని చాలా నెమ్మదిగా కదులుతుంది. శని ఒక రాశి నుంచి మరో రాశిలోకి ప్రవేశించడానికి రెండున్నర సంవత్సరాలు పడుతుంది. జ్యోతిషశాస్త్రం ప్రకారం శనిని న్యాయ దేవుడు, కర్మ ఫలితాలను ఇచ్చే గ్రహంగా చెబుతారు. 2023 సంవత్సరం ప్రారంభంలో శనిగ్రహం కుంభరాశిలోకి ప్రవేశించింది. ఏప్రిల్ 6, 2024న శని రాశిని మార్చబోతుంది. ప్రస్తుతం శనిగ్రహం శతభిషా నక్షత్రంలో ఉండడంతో ఇక్కడి నుంచి బయలుదేరి పూర్వాభాద్రపదంలో ప్రవేశిస్తుంది. ఈ పరిస్థితిలో మొత్తం 12 రాశులపై ప్రభావం పడుతుంది. 2024లో అదృష్ట రాశుల గురించి ఈ రోజు తెలుసుకుందాం.

మేషరాశి

జ్యోతిష్య శాస్త్రం ప్రకారం శని రాశి మార్పు మేషరాశి వారికి ప్రయోజనకరంగా ఉంటుంది. ఈ రాశిలో శని సంచారం చాలా శుభప్రదంగా ఉంది. ఆర్థిక పరిస్థితి మెరుగుపడుతుంది. వాహనం, భూమి మొదలైన స్థిరాస్తులను కొనుగోలు చేస్తారు. ఉద్యోగాలు, వ్యాపారాలు చేసేవారు పురోభివృద్ధి సాధిస్తారు. మనస్సు ఆధ్యాత్మిక కార్యక్రమాల్లో నిమగ్నమై ఉంటుంది.

వృషభం

భాద్రపద నక్షత్రంలో శని సంచారం వృషభ రాశి వారికి శుభ ఫలితాలను అందిస్తుంది. ఆర్థిక విషయాల నుంచి బయటపడుతారు. కుటుంబం, బంధువుల మధ్య ప్రేమ, నమ్మకం పెరుగుతుంది. ఉద్యోగస్తుల ఆదాయం పెరుగుతుంది. ఇంట్లో ఆనంద వాతావరణం నెలకొంటుంది.

కన్య రాశి

కన్యా రాశి వారికి శనిగ్రహం శుభ ఫలితాలను ఇవ్వబోతుంది. భాద్రపద నక్షత్రంలో శని సంచారం కన్య రాశి వారికి ప్రత్యేకంగా ఉంటుంది. ఈ సమయంలో వ్యక్తి వృత్తి జీవితంలో ఆశించిన పురోగతిని పొందుతారు. ఆర్థిక విషయాలు మెరుగుపడతాయి. కుటుంబంలో ఆనందం, శాంతి నెలకొంటుంది. వ్యాపారంలో లాభం ఉంటుంది స్నేహితుల మద్దతు లభిస్తుంది.