చింతూరు డివిజన్‌లో రెండవ ప్రమాద హెచ్చరిక.. 70 గ్రామాలకు నిలిచిన రాకపోకలు

Alluri Sitharamaraju District: విలీన మండలాల్లో శబరి, గోదావరి నదుల వరద ఉధృతి కొనసాగుతోంది. దీంతో చింతూరు డివిజన్‌లో రెండవ ప్రమాద హెచ్చరిక జారీ చేశారు అధికారులు. కూనవరం శబరి- గోదావరి సంగమ ప్రాంతంలో ఉదృతంగా నదుల ప్రవాహం కొనసాగుతోంది. చింతూరు మండలం, కుయుగూరు వద్ద జతీయ రహదారిపై శబరి నది ప్రవహిస్తోంది. చింతూరు-ఒడిశాకు రవాణా వ్యవస్థ స్థంభించింది. చింతూరు మండలం, చట్టి వద్ద జతీయ రహదారిపైకి వరదనీరు చేరింది. చింతూరు మండలం, ముకునూరు వద్ద కాజ్ వేపై సోకిలేరు వాగు ప్రవహిస్తోంది. దీంతో చింతూరు-విఆర్ పురం మండలాల్లో సుమారు 25 గ్రామాలకు రాకపోకలు బందయ్యాయి. మొత్తం జిల్లా వ్యాప్తంగా ముంపులో నాలుగు మండలాల్లో సుమారు 70 గ్రామాలకు రాకపోకలు నిలిచిపోయాయి.