పొన్నాల ల‌క్ష్మ‌య్య‌ను బీఆర్ఎస్‌లోకి ఆహ్వానించిన కేటీఆర్

KTR-Ponnala: మాజీ మంత్రి పొన్నాల లక్ష్మయ్యతో మంత్రి కేటీఆర్‌ సమావేశం ముగిసింది. పొన్నాల లక్ష్మయ్యను బీఆర్ఎస్‌ పార్టీలోకి ఆహ్వానించినట్లు కేటీఆర్‌ తెలిపారు. రేపు సీఎం కేసీఆర్‌ను కలిసిన తర్వాత పొన్నాల తన నిర్ణయాన్ని వెల్లడిస్తారని అన్నారు. పార్టీలో చేరేందుకు పొన్నాల సానుకూలంగా స్పందించారని తెలిపారు. తమ పార్టీలో సీనియర్లకు పెద్దపీట వేస్తామన్నారు. ఇవాళ మ‌ధ్యాహ్నం పొన్నాల‌ ఇంటికి మంత్రి కేటీఆర్‌తో పాటు ఎమ్మెల్యేలు దానం నాగేంద‌ర్, శానంపూడి సైదిరెడ్డి, సీనియ‌ర్ నాయ‌కులు దాసోజు శ్ర‌వ‌ణ్‌ వెళ్లారు. నిన్న కాంగ్రెస్ పార్టీకి పొన్నాల ల‌క్ష్మ‌య్య రాజీనామా చేసిన సంగ‌తి తెలిసిందే.