Sangareddy: సంగారెడ్డి జిల్లాలో భారీ ప్రమాదం.. SB ఆర్గానిక్ కెమికల్‌ కంపెనీలో పేలిన రియాక్టర్‌

Sangareddy: సంగారెడ్డి జిల్లాలో భారీ ప్రమాదం జరిగింది. SB ఆర్గానిక్ కెమికల్‌ కంపెనీలో రియాక్టర్‌ పేలింది. ఈ ఘటనలో ఐదుగురు మృతి చెందగా.. పలువురికి తీవ్రగాయాలయ్యాయి. ఈ ఘటనలో కంపెనీ ఎండీ రవిశర్మ కూడా మృతిచెందారు. ప్రమాద సమయంలో ఫ్యాక్టరీలో 50 మంది కార్మికులు ఉన్నట్టు సమాచారం. హత్నూర మండలం చందాపూర్‌ శివారులో ఈ ప్రమాదం జరిగింది. మరోవైపు.. పేలుళ్ల ధాటికి సమీపంలోని నిర్మాణాలు కూడా కూలడంతో స్థానికులు తీవ్ర భయభ్రాంతులకు గురయ్యారు. సమాచారం అందుకున్న ఫైర్‌ సిబ్బంది.. మంటలను అదుపుచేసే ప్రయత్నం చేస్తున్నారు. ఘటనాస్థలంలో సహాయక చర్యలు కొనసాగుతున్నాయి.